Aravot.am-ը անվանի դերասան Սոս Սարգսյանից հետաքրքրվեց՝ ամեն ընտրությունից առաջ ի՞նչ զգացողություն եւ ակնկալիքներ է ունենում:
«Շատ ներվային վիճակի մեջ եմ լինում, որովհետեւ ժողովրդի համար ընտրությունները փորձանք են, ամեն ընտրության ժամանակ ամեն ինչ խարխլվում է, ժողովուրդն իրար է խառնվում, ծանր պահեր է ապրում, ջղեր են քայքայվում, ես շատ դժվար եմ ընկալում ընտրությունները եւ Աստված եմ կանչում, որ դրանք անփորձանք ավարտվեն»,-պատասխանեց արվեստագետը:
Հիշեցնելով 1991 թվականը, երբ ինքն էր առաջադրված ՀՀ նախագահի թեկնածու, հարցրինք՝ ինչպե՞ս է գնահատում իր քայլը՝ տարիների հեռվից:
«Ես համարյա չեմ հիշում … Նախ դա շատ վաղուց էր, մանավանդ առաջին էդ տեսակ ընտրությունն էր: Ինձ համար հետաքրքիր էր, համ էլ ժողովրդի հետ շփվեցի: Հիմի ի՞նչ անենք, որ էդպես եղավ… Իհարկե, լավ կանեին՝ ինձ ընտրեին, բայց դե որ չընտրեցին, ես էդքան էլ չնեղացա, ուղղակի ժողովուրդը շատ բան կորցրեց, կներեք մեծամտությանս համար, բայց դա էդպես է»,- Aravot.am-ի հարցին պատասխանեց վարպետը:
Կարդացեք նաև
Գոհար ՀԱԿՈԲՅԱՆ
