Ադրբեջանի արտգործնախարար Էլմար Մամեդյարովը այսօր մեկնաբանել է գրող Աքրամ Այլիսլիի վերաբերյալ Միացյալ Նահանգների Պետդեպարտամենտի հայտարարությանը, որում պաշտոնական Վաշինգտոնը Բաքվին կոչ է անում ապահովել գրողի եւ նրա ընտանիքի անվտանգությունը։
«Ադրբեջանում Աքրամ Այլիսլիի գրքի քննարկումներ են ընթանում եւ հնչեցվում են տարբեր մտքեր, ինչը խոսում է այն մասին, որ երկրում գոյություն ունի խոսքի ազատություն», – «Թրենդ» լրատվական գործակալության փոխանցմամբ` հայտարարել է Մամեդյարովը։
«Ես չեմ կարծում, թե դա կդառնա հարված Ադրբեջանի հեղինակությանը։ Ադրբեջանին հաջողվել է հասնել երկրում խոսքի ազատության», – պնդել է Ադրբեջանի արտաքին քաղաքական գերատեսչության ղեկավարը։
Արման Հովհաննիսյան
Կարդացեք նաև
«Ազատություն» ռադիոկայան
