«Ես տեսնում եմ Սերժ Սարգսյանի հաղթանակը առաջին փուլում, կարծում եմ, ամեն ինչ նախապես պլանավորած է, շատերն իրենց աշխատանքը չկորցնելու համար, մի մասը՝ ելնելով իրենց քավոր-սանիկական հարաբերություններից, ընտրում են Սերժ Սարգսյանին, բայց իշխանությանը մեղադրելուց բացի, պետք է նայել ընդդիմությանը, այսինքն, թե նա ինչ արեց…»,-այսօր Մեդիա կենտրոնում ասաց «Թրանսփարենսի Ինտերնեյշնլ հակակոռուպցիոն կենտրոնի» ղեկավար Վարուժան Հոկտանյանը, որի խոսքով՝ ընտրողի հոգեբանություն մեզ մոտ չկա, ամեն ինչ պայմանավորված է մի շարք հանգամանքներով, աղքատության, հին գաղափարների եւ այլն: Ըստ նրա, այսօր քաղաքական մշակույթը ենթակա է:
«Մինչեւ հիմա գյուղերում նախագահին ասում էն թագավոր ու քանի կա՝ «ես փոքր մարդ եմ» ասվածը, չի արժեւորվի ընտրողի ձայնը»,- վստահեցնում է Հոկտանյանը, հավելելով, որ ինչ որ խնդիր կա, դրա համար էլ այժմ ցուցակների հարցը այսքան լրջացավ:
Եվա ՀԱԿՈԲՅԱՆ
