«Ժողովրդավարական հայրենիք» կուսակցության նախագահ Պետրոս Մակեյանի գնահատմամբ, ընթանում են ոչ մրցակցային, տխուր ընտրություններ: «Մեր կանխատեսումներն իրականացան, ընթանում են տխուր, իմիտացիոն ընտրություններ: Չկա ընդդիմադիր ուժային կենտրոն: Այս ամենի մեղավորն ինչքան գործող վարչախումբն է, պետք է խոստովանենք, որ ոչ պակաս իր մեղքի բաժինն ունի ընդդիմությունը, մասնավորապես՝ ՀԱԿ-ը»,- այսօր «Հայելի» ակումբում ասաց պարոն Մակեյանը:
Նա նորից ընդգծեց, որ ՀԱԿ-ի մեղքի բաժինը տեսնում է ԲՀԿ-ի հետ համագործակցության մեջ. «Ներքաշվելով գործընկերային կապերի մեջ մարտի 1-ի կազմակերպիչների հետ, մասնավորապես՝ ԲՀԿ-ի հետ: Իսկ հանգուցալուծումը Զուրաբյան Լեւոնի վերջերս կատարած հայտարարությունն էր, թե Ռոբերտ Քոչարյանի նախագահությունն ընդունում է դրական մեսիջներով: Քոչարյանապաշտական հայտարարության արդյունքում եղավ այն, որ ավազակապետական բուրգի կազմաքանդման փոխարեն կազմաքանդվեց ՀԱԿ-ը»:
Արփինե ՍԻՄՈՆՅԱՆ
