«Ղարաբաղ» կոմիտեի անդամ Աշոտ Մանուչարյանը կասկած չունի որ, որ 2013թ. նախագահի ընտրություններն անցնելու են մեկ փուլով, որոնց արդյունքներն, ըստ նրա, բոլորի համար ակնհայտ է: Ընտրություններից հետո, սակայն, հասարակությունը զգալիորեն կակտիվանա:
«Ընտրություններից հետո մերժում կլինի: Մարդիկ սկսելու են ելք փնտրել: Այժմ այդ փնտրտուքին խանգարում են արևմուտքից թելադրված այս կեղծ ընտրությունները: Դրանք կավարտվեն, և կսկսվի իրական ընտրությունների գործընթացը»,- ասաց Աշոտ Մանուչարյանը:
Նրա խոսքերով հասարակությունն այս պահին չի ակտիվանում այն պատճառով, որ ԶԼՄ-ներն ամեն կերպ փորձում են մարդկանց ուշադրությունը շեղել քաղաքական գործընթացներից: Աշոտ Մանուչարյանն ասում է, որ իրականում այդ ակտիվությունը կա, սակայն հասարակությունը հնարավորություն չունի լսելու այն մարդկանց, ովքեր խոսում են դրա մասին:
«Օրինակ վերջին 10 տարվա ընթացքում ինձ մեկ անգամ են հրավիրել հեռուստատեսություն: Ես բավականին հայտնի մարդ եմ, հայտնի եմ նրանով, որ որոշ դեպքերում երբ դուռը ծածկում են, փորձում եմ պատուհանից մուտք գործել, եթե ասելիք ունեմ»,- անկեղծացավ «Ղարաբաղ» կոմիտերի անդամը:
Կարդացեք նաև
Մանրամասն՝ կարդացեք այստեղ
