«Ունենք բժիշկներ, որոնք հետեւում են, խորհուրդներ տալիս Անդրիաս Ղուկասյանին: Նա մեր բժիշկների վերահսկողության տակ է, իրավիճակը, որպես հացադուլավորի, բժիշկները նորմալ են գնահատում»,- այսօր լրագրողների հետ հանդիպման ժամանակ ասաց Ա. Ղուկասյանի շտաբի համակարգող Արմեն Գրիգորյանը:
Ըստ նրա, իրենք իրենց սեփական բժիշկներին են դիմում, որովհետեւ հացադուլի մեջ գտնվող թեկնածուի առողջական վիճակի ստուգման արդյունքները առողջապահության նախարարության մասնագետների ու իրենց բժիշկների կողմից արված էապես տարբերվում են. «Շատպօգնության բժիշկները չափում են նրա ճնշումը, ցույց է տալիս 80/60, մենք չափում ենք՝ ցույց է տալիս 110/70, միշտ տատանումներ են տալիս: Սկսում ենք չվստահել ու այդ պատճառով ունենք մեր բժիշկները: Մեր բժիշկների գնահատականներով՝ առողջությանը անդառնալի վնաս չկա»:
Պարոն Գրիգորյանի խոսքերով, այսօրվանից պարոն Ղուկասյանի հետ շփումները սահմանափակվելու են: Ղուկասյանի որոշումը նույնն է ու չի տեղափոխվելու հիվանդանոց, շարունակելու է հացադուլը մինչեւ ընտրությունների ավարտը:
Հարցին՝ քաղաքացիական անհնազանդություն առաջացա՞վ, ինչպես իր հացադուլի պահանջում դրել էր պարոն Ղուկասյանը: Պարոն Գրիգորյանը հիշեցրեց վերջին երկու ակցիաները՝ «վերջ ռեժիմին» կարգախոսներով:
Կարդացեք նաև
Արփինե ՍԻՄՈՆՅԱՆ
