«Եթե Րաֆֆի Հովհաննիսյանն ընտրվավ նախագահ, կեթա՞ք իրա մոտն աշխատեք, եթե ընդունի»,- Անգեղակոթ գյուղի բնակիչը երեկ այս հարցն ուղղեց քարոզարշավի եկած նախագահի թեկնածու Հրանտ Բագրատյանին: Մինչ պարոն Բագրատյանը կպատասխաներ, գյուղացիներից մեկը ծիծաղեց. «Այ մարդ, երեկ էս մարդն ասեց նյետ, էլի»:
«Րաֆֆի Հովհաննիսյանը եթե դառնա նախագահ, Աստված տա դառնա: Բայց այսօր ես ինքս եմ պայքարում նախագահ լինելու համար»,- ասաց պարոն Բագրատյանն ու շարունակեց,- «Ես գտնում եմ, որ ես պակաս ասելիք չունեմ կամ շատ ավելի շատ ասելիք ունեմ, մանավանդ՝ գործի մեջ: Հիմա ես իմ մոտեցումներն ունեմ: Րաֆֆի Հովհաննիսյանը, թող Աստված տա, դառնա նախագահ, էն ժամանակ կմտածենք: Բայց Սերժի պարագայում ես իրանց հետ չեմ աշխատելու: Դրա համար երեկ ասեցի՝ նյետ»:
Ըստ Հրանտ Բագրատյանի, օլիգարխներն այէս պետությունը խեղճացնում են: Օլիգարխների մեջ մտնում են Սերժ Սարգսյանը, Հովիկ Աբրահամյանը, Տիգրան Սարգսյանը. «էդ 40-ից երեքը իրանք են, հո իրանք իրանց դեմ չե՞ն պայքարի»:
Հռիփսիմե ՋԵԲԵՋՅԱՆ
