«ՀՀ ընտրական ցուցակները հնարավորինս մաքուր են, մահացածների անունները ցուցակներից հանելու խնդիրը մաքսիմում լուծված է,-այսօր «Ա1+»-ին տված հարցազրույցում ասաց ՀՀ ոստիկանության անձնագրերի եւ վիզաների վարչության պետ Հովհաննես Քոչարյանը:
Նա տեղեկացրեց, որ իրենք գործում են բացառապես օրենքի շրջանակում, եւ եթե քաղաքացիների կամ քաղաքական գործիչների պահանջը հակասում է օրենքին, իրենք դրա համար պատասխանատու չեն: Ինչ վերաբերում է նրան, որ ըստ «Ժառանգություն» կուսակցության տվյալների, առկա է 600 նույն անուն -ազգանուն, հայրանունով անձ, պարոն Քոչարյանը նախ նկատեց, որ թիվը ոչ թե 600 է, այլ մոտ 110, բայց դա նորմալ երեւույթ է, երբ ընտրողների ռեգիստրում կա նույն թվականի նույն օրը ծնված եւ նույն անուն- ազգանունն ունեցող այդքան մարդ: «Այստեղ ոչ մի տարօրինակ բան չկա, դա օրինաչափ է, նորմալ»-ասաց նա:
«Ա1+»-ը պարոն Քոչարյանից հարցրեց, արդյոք արտերկրից էլեկտրոնային քվեարկություն իրականացնողների գաղտնիության իրավունքը պահպանվո՞ւմ է, նա նախ ասաց, որ դա շատ փոքր թվով մարդիկ են` միայն դիվանագիտական ծառայությունների եւ բիզնեսի ներկայացուցիչները, ապա ավելացրեց, որ գաղտնիությունը այո, ապահովված է:
Մանրամասները կարդացեք այստեղ:
