Այսօր կեսօրին Գորիս քաղաքի Օրբելի փողոցի մոտակա ձորը գլորված 14-ամյա աղջկա վիճակը այս պահին կայուն ծանր է գնահատվում: 14-ամյա Լ. Գ.-ն Գորիսի բժշկական կենտրոնում բժիշկների հսկողության տակ է գտնվում ներկա պահին եւ շարունակում է համապատասխան բուժօգնություն ստանալ: Վիրաբուժական բաժանմունքի վարիչ Գոռ Շեկունցի փոխանցմամբ` տուժածի կյանքին վտանգ չի սպառնում, ունի թիակի եւ 12-րդ կողոսկրի կոտրվածք, գիտակցությունը տեղն է եւ կարողանում է իրեն ուղղված հարցերին պատասխանել:
Հիվանդին այս պահին հակաշոկային բուժօգնություն է ցուցաբերվում` ցավազրկում, վերին վերջույթի իմուբիլիզացիա եւ այլն: Բժիշկ Շեկունցի խոսքով` հիվանդը դեռ առաջիկա մի քանի օրերին հիվանդանոցում կլինի եւ համապատասխան բուժօգնություն կստանա:
Գորիսի բժշկական կենտրոնի շտապ օգնության կայանը աղջկա հետ կատարված դեպքի մասին ահազանգ ստացել էր այսօր ժամը 12:55 րոպեին եւ բարձրությունից ձորն ընկած Գորիսի բնակչուհուն բժշկական կենտրոն տեղափոխել: Գորիսում շրջանառվող ոչ պաշտոնական լուրերի համաձայն` կատարվածն ամենայն հավանականությամբ ինքասպանության փորձ էր:
Մերի ՍՈՂՈՄՈՆՅԱՆ
Կարդացեք նաև
