Ճանաչված քանդակագործ Ֆերդինանտ Առաքելյանը Aravot.am-ի հետ զրույցում կարծիք հայտնեց, թե Հայաստանին անհրաժեշտ է օրենքի գերիշխանություն ու Ֆրանկլին Ռուզվելտի նման մի անհատ, որը երկիրը դուրս կբերի այս վիճակից: Ու մեկ էլ, ըստ մեր զրուցակցի, նախագահը պիտի իր «ներսում» մշակութային լինի:
Խոսելով թեկնածուների մասին՝ նա նշեց. «Այսօր Բագրատյանը քննադատում է այն, ինչ ժամանակին իրենք են արել…Բագրատյանը գուցե խելոք տնտեսագետ է, բայց չունի մշակութային կուլտուրա, իսկ միայն տնտեսագիտությամբ երկիր չի կառուցվի, Մարքսն, օրինակ, մենակ տնտեսագետ չէր, նա Շոպեն էր լսում…»:
Ինչ վերաբերում է թեկնածուներից Արամ Հարությունյանին, քանդակագործը չի հավատում նրան, ասում է. «Նա միշտ դնում է իր թեկնածությունը, նախորդ ընտրությունների ժամանակ էլ կարծիք հայտնեց, թե ամեն ինչ այնքան խառն է, ասես Պիկասոյի նկարչությունը լինի՝ նայում ես բան չես հասկանում: Եղբա՛յր, 20-րդ դարի համաշխարհային մշակույթի խոշոր դեմքերից մեկը՝ Պիկասոն ի՞նչ մեղավոր է, որ դու չես հասկանում»:
Այս պահին Ֆերդինանտ Առաքելյանի համար ֆավորիտներ են Սերժ Սարգսյանն ու Րաֆֆի Հովհաննիսյանը. «Սերժ Սարգսյանը ճանապարհ է անցել, հինգ տարի աշխատել է, լավ կլինի, որ ավարտի իր ծրագրերը, իսկ Րաֆֆի Հովհաննիսյանը մշակութային մարդ է, եւ այս կյանքում դեռ չի արատավորվել: Ես կուզենայի, որ ժողովուրդը գնար եւ գեղեցիկ ընտրություն կատարեր, ով ում ուզեր, ընտրեր»: Պարույր Հայրիկյանի մահափորձի մասին էլ խոսեց մեր զրուցակիցը. «Պարզ չէր՝ կատարվածը դե՞պք էր, թե՞ ծաղրանկար: Պարույր Հայրիկյանն իրեն միշտ էլ տգեղ է պահել: Նա ժամանակին չար լեզվով էր խոսում Կարեն Դեմիրճյանի մասին, հետո անցավ Անդրանիկին, ֆիդայիներին, հետո վերջերս էլ վուլգար արտահայտվեց Ադիբեկյանի ասածի հետ կապված: Հիմա Հայրիկյանը շարունակում է նույն երգը երգել ռուսական ԿԳԲ-ի մասին: Ախր, որ էդ ԿԳԲ-ին պետք լիներ իրեն վերացնել, դա ի՞նչ էր որ՝ раз плюнуть : Ինքը ԿԳԲ-ին ու ոչ մեկին էլ պետք չէ…»:
Կարդացեք նաև
Մանրամասները՝ վաղվա տպագիր «Առավոտում»:
Գոհար ՀԱԿՈԲՅԱՆ
“Սերժ Սարգսյանը ճանապարհ է անցել, հինգ տարի աշխատել է, լավ կլինի, որ ավարտի իր ծրագրերը”… Այսինքն ավարտին հասցնի
1. ՀՀ հայաթափումը
2. լյումպենացումը հասցնի 95 տոկոսի
3. 5 տոկոսի ձեռքից խլի 95 տոկոսից խլածը
ու հայդե Փարիզ:
“Բագրատյանը գուցե խելոք տնտեսագետ է, բայց չունի մշակութային կուլտուրա” …
Հ. Բագրատյանը կիթառ է նվագում, իսկ ինչ մշակութային կուլտուրա է տեսնում ճանաչված քանդակագործ Ֆերդինանտ Առաքելյանը Ս. Սարգսյանի մեջ: Գուցե ողջ Հայաստանի շարժական ու անշարժ գույքին տիրանալու անհագուրդ ձգտումը Ս. Սարգսյանին դարձնում է մեծ կոլեկցիոներ ?
Այ,՝ բյուրատեսք ու սուտ հավատացյալ: Քո մշակույթը կոպեկ չարժի, երբ մարդիք պարապ ման են
գալիս,՝ առանց աշխատանքի հույս ունենալու: Երբ մայրերը չգիտեն իրենց երեխաներին ի՞նչ
պատասխանեն, չկարողանալով բավարարել ամեաանհրաժեշտ օրվա պահանջները: Պիկասոն հենց
մարդկային հոգու այլանդակ դրսևորումն է ներկայացնում, որը այսօր տիրում է մեր երկրում: Եթե
դու արվեստագետ ես ապա ներկայացրու այն ճիվաղներին, որոնք երկիրը բերել են այս վիճակին,և
ոչ թե գովերգի սս-ին, որը երկիրը օր-օրի տանում է կործանման: Մի՞ թե՛ լի տաշտակից օգտվելու
մոլուցքը այնպես է փակել ձեր աչքերը, որ ոչինչ չեք նկատում: Ես ջարդուշուր կանեի այն բոլոր
արվեստ կոչվող հիմարությունները, որոնք ծառայում են,՝ այս ստոր, անինքնասեր, անբարո,
վարչախմբին: Քծնելու կարողությունն էլ է մարդկային որակ, բայց ոչ արվեստագետի համար,
նրանով մեր երկրում թող զբաղվեն իրենց ,,Նժդեհական,, կոչողները, և նրանց համախոհները:
Գործակալի հերթական բացահայտում:
Հենց ձեր «քավորի»՝ ԿԳԲ-Ի «խաթրին» են կպնում, հոգեվարքի մեջ եք ընկնում: Այս ընթացքում հոդվածագրերի անունները եթե գրառվի, վստահ եմ, Արխիվները բացելու կարիք չի լինի…