Ըստ նրա՝ «ես օրիգինալ չեմ, օրիգինալ լինելը մեր տրադիցիան չի»
Այսօր Էրեբունի համայնքում՝ Ազատամարտիկների այգում, նախագահի թեկնածու Հրանտ Բագրատյանն ընտրողների հետ հանդիպմանը ասաց. «Ուրախ եմ, որ Արեշում եմ, այստեղ եմ ծնվել, այստեղ մեծացել, գիտեք:
Բավականին հետաքրքիր իրավիճակ ունենք: Սերժ Սարգսյանը գիտեր մրցակից չունի, բայց էս պայմաններում շատ հնարավոր է Սերժ Սարգսյանը երկրորդ փուլ չանցնի: Շատ հնարավոր է ընտրությունները երկու շաբաթով հետաձգեն: Ինչ է կատարվել կրակոցների հետ՝ ես չգիտեմ: Այնպիսի ժամանակներ են, որ առաջիկա երկու-երեք շաբաթը պղտոր ջրում ձուկ որսալու ժամանակներ են»:
Նա հիշեցրեց, որ Սերժ Սարգսյանը ոչ մի բանավեճի չի եկել իր հետ. «Դրսից-ներսից շատ խառնվողներ կան: Արտասահմանյան երկրներն են խառնվում: Իրադարձությունները այս օրվանից ձնագնդի նման են գնալու, հիշեք»:
Կարդացեք նաև
Նա նշեց, թե Սերժ Սարգսյանը հինգ տարի առաջ ինչ խոստումներ է տվել ու չի կատարել. «Մարդը խոսք էր տվել բարելավել ձեր կյանքը: Ոչ մի բան էլ չի բարելավել: Երկրի արտաքին պարտքը կրկնապատկվել է, մարդիկ ավելի վատ են ապրել: Եթե ես սխալ եմ ասում, թող Սերժ Սարգսյանը գա ասի՝ սխալ ես ասում»:
Նախագահի թեկնածուն առաջարկեց իր լուծումները: Ըստ նրա, այս ընթացքում նախագահի թեկնածուներն իրենց տարօրինակ են պահում եւ դա կարող է պայմանավոված լինի. «Ես չեմ ասում՝ կրակոցներն էր սարքած, բայց տարօրինակ քարոզարշավ է: Մենք էլ կարող ենք ինչ-որ բաներ մտածել, որ կարող ենք օրիգինալ լինել: Բայց ես օրիգինալ չեմ: Օրիգինալ լինելը մեր տրադիցիան չի: Մենք Արեշում էդպես չենք: Ցուցադրել, էլի: Մենք սովոր ենք ցուցադրել մեր ուղեղները»:
Հրանտ Բագրատյանը խոստացավ վերացնել շաքարի, ձեթի, հացի, ավիավառելիքի շուկայում մենաշնորհները:
Հռիփսիմե ՋԵԲԵՋՅԱՆ
Հ. Գ. Ի դեպ, արձագանքելով Հրանտ Բագրատյանի այն հայտարարությանը, թե գործող նախագահը կարող է երկրորդ փուլ չանցնել, ՀՀԿ խոսնակ Էդուարդ Շարմազանովն ասել է. «Սերժ Սարգսյանն առաջին փուլում ազատ ու թափանցիկ ընտրությունների արդյունքում համոզիչ հաղթանակ է տանելու, ուստի եւ երկրորդ փուլ չի անցնի»:
´Բանավեճ; Ի*նչ բանավեճ և ինչի համար; Ով չգիտի նրա հնարավորությունները և տկար կարողությունները;Ի*ՆՉ են ուզում ապացուցել;Ձայներ փոշիացնելով վարչապետության ձգտել գուցե և հնարավոր է, բայց ՀՀ ունենալն է անհնար;Ինձ համար միևնույնն է, բայց կարևորը երկրորդականից տարբերելն է ամենամեծ ,,տնտեսագիտությունը,,;
Բոլոր ջահերը մարողները նոր լուցկի են հայտնաբերում; Էդ տեսակ կայծից բոց չի բռնկվի;