Մարզպետը ՀՀԿ-ի շտաբում էր
Այսօր նախագահի թեկնածու Րաֆֆի Հովհաննիսյանն իր քարոզարշավն էր անցկացնում Կոտայքի մարզում: Կանգառներում, խանութներում եւ ամենուր հրազդանցիներին բարեւելուց հետո նա որոշեց մտնել մարզպետարան՝ մարզպետ Կովալենկո Շահգալդյանին բարեւելու: Սակայն մարզպետարանի աշխատակիցներն ասացին. «Մեր մարզպետն այստեղ չէ: Իրան գտեք Հանրապետականի շտաբում»:
Րաֆֆի Հովհաննիսյանի զարմանքին՝ բա ո՞վ է իր պարտականությունը կատարում՝ աշխատակիցները պատասխանեցին՝ «Նրա տեղակալը, աշխատակազմի ղեկավարը: Ինքը արձակուրդ է վերցրել, որ աշխատի շտաբի համար»: Կովալենկո Շահգալդյանի տեղակալները ՀՀԿ-ի կրծքանշաններով իրենց աշխատասենյակում նստած էին:
Մարզպետին իսկապես գտանք ՀՀԿ-ի շտաբում: Րաֆֆի Հովհաննիսյանը նրանից հետաքրքրվեց՝ «ինչպե՞ս է վիճակը»: Մարզպետը ճշտեց՝ ո՞ր առումով: «Այն առումով, որ 20 տարվա ընթացքում առաջին անգամ նորմալ ընտրություններ պիտի լինեն Հայաստանում եւ Հրազդանում»,- ասաց «Ժառանգության» առաջնորդը: Կովալենկո Շահգալդյանը պնդեց, թե Հրազդանում էլ, Կոտայքի մարզում էլ միշտ էլ նորմալ ընտրություններ են եղել: Նա հորդորեց չկուսակցականացնել ընտրությունները, հպարտացավ, որ անգամ ՍՍՀՄ ժամանակ, մեծ գործարանի տնօրեն լինելով, կուսակցական չի եղել, եւ ընդհանրապես մինչեւ 2006-ը ինքը որեւէ կուսակցության անդամ չի եղել. «Իհարկե, մենք մեր թեկնածուի հաղթանակի մեջ կասկած չունենք»,- ասաց նա: Րաֆֆի Հովհանիսյանն էլ արձագանքեց. «Իսկ ես կասկած չունեմ, որ մեր ժողովուրդը պիտի հաղթանակ տանի»:
Կարդացեք նաև
Զրույցի վերջում Կովալենկո Շահգալդյանն ասաց, թե ամսի 19-ին պարոն Սարգսյանին կշնորհավորեք ու սկսեց կուշտ ծիծաղել: Րաֆֆի Հովհաննիսյանը վերադարձրեց Կովալենկո Շահգալդյանի պատասխանը՝ եթե ՀՀԿ-ն դառնա փոքրամասնություն, ես կարծում եմ, դրանում ոչ մի ողբերգություն չկա: Մարզպետը գլխով արեց ու անկեղծացավ, թե պարոն Հովհաննիսյան, հասկանում եք, մեր ժողովրդի մտածելակերպը չի հարմարվում շուկայական հարաբերություններին: Այնքան խնդիրներ կան բազմաթիվ, որ մենակ նախագահով չի:
Այդուհանդերձ, նա երաշխիք տվեց, որ Կոտայքի մարզում լիարժեք ընտրություներ են լինելու: Իսկ Րաֆֆի Հովհաննիսյանի քննադատությանը, որ գիտենք, ինչ է կատարվում՝ ուսուցիչներ, տնօրեններ, ցուցակագրումներ են գնում, մարզպետը հակադարձեց. «Թողեք մի քիչ էլ մենք ասենք, դուք անընդհատ ձերն եք ասում: Էդ ռեսուրսը, որ միշտ ասում են օգտագործվում են, էդպես չի, պարոն Հովհաննիսյան: Ամեն մեկը իր խղճի մտոք է քվեարկում: Երբ մարդը մտնում է քվեախցիկ, էդ վախտ է որոշում կայացնում ու ոչ մարզպետը, ոչ ոստիկանապետը, որեւէ մեկը չեն կարող նրա վրա ազդեցություն գործել»: Մարզպետը վստահեցնում էր, որ Կոտայքի մարզում պատվախնդրություն կա, որ հնարավոր չի կեղծվեն ընտրությունները եւ այլն:
Հռիփսիմե ՋԵԲԵՋՅԱՆ
Սովետական ժողովրդականության կապված է այս հին սերունդը: Սրանցից պետք է ձեռփացտվել, նրանք են կռծում ու հավատում թէ առանց Ռուսաստանի չի լինելու: Կարծում եմ ամէն ինչ կլինի թէ նրանով ,թէ մյուսներով եթէ լա Հայ քաղաքականութեուն