«ՀՀ վճռաբեկ դատարանի քաղաքացիական և վարչական պալատում 2012թվականի ընթացքում ստացվել է 2928վճռաբեկ բողոք, որից մակագրվել է 2733-ը, այդ թվում 1816-ը` ՀՀ քաղաքացիական վերաքննիչ դատարանի դատական ակտերի դեմ, 829-ը` ՀՀ վարչական վերաքննիչ դատարանի դատական ակտերի դեմ, 16-ը`ՀՀ վարչական դատարանի դատական ակտերի դեմ, 21-ը`ՀՀ ընդհանուր իրավասության առաջին ատյանի դատարանի դատական ակտերի դեմ, 7-ը`ՀՀ տնտեսական դատարանի դատական ակտերի դեմ, 44-ը` ՀՀ վճռաբեկ դատարանի որոշումների դեմ»,- այս մասին ասաց ՀՀ վճռաբեկ դատարանի նախագահ Արման Մկրտումյանը:
Ըստ Մկրտումյանի փոխանցմամբ ՀՀ վճռաբեկ դատարանի որոշումների դեմ ՀՀ վճռաբեկ դատարանի քաղաքացիական և վարչական պալատում ստացված 44բողոքներից 37-ը վերադարձվել են, 7-ն ընդունվել է վարույթ, որից 6բողոք բավարարվել է` վերանայվել է ՀՀ վճռաբեկ դատարանի որոշումը. 1բողոք մերժվել է: Համեմատելով նախորդ տարիների հետ, նա փաստում է, որ բողոքները քչացել են:
Այսօր Վճռաբեկ դատարանում տեղի ունեցավ ՀՀ վճռաբեկ դատարանի քաղաքացիական եւ վարչական պալատի մեկ տարվա գործունեության վերաբերյալ հաշվետվություն-ձեռնարկի շնորհանդեսը: Շնորհանդեսին ներկա էին ՀՀ վճռաբեկ դատարանի նախագահ Արման Մկրտումյանը, բարձրաստիճան պաշտոնատար անձինք, միջազգային եւ հասարակական կազմակերպությունների ղեկավարներ:
Շնորհանդեսի շրջանակներում ներկայացվեց նաև ՀՀ վճռաբեկ դատարանի քաղաքացիական և վարչական պալատի որոշումների ժողովածուի հինգերորդ հատորը: Ժողովածուն ներառում է նաև լազերային սկավառակ, որում ներառված է գրքի էլեկտրոնային տարբերակը:
Կարդացեք նաև
Քրիստինա ՄԻՐԶՈՅԱՆ
