Նախագահի թեկնածու, ԱԻՄ նախագահ Պարույր Հայրիկյանն այսօր չի բացառել, որ հնարավոր է փոխի Սահմանադրական դատարան չդիմելու իր որոշումը` պահանջելով երկու շաբաթով երկարաձգել նախագահի ընտրությունները:
Իր այս քայլը Հայրիկյանը բացատրել է նրանով, որ առողջական վիճակը վատացել է:
Վերլուծաբան Արմեն Մինասյանը չի բացառում, որ Հայրիկյանի որոշումը կարող է պայմանավորված լինել հենց առողջական խնդիրներով:
«Հնարավոր է` նա մտածում է, որ այն ժամանակահատվածը, որ ինքը պետք է տրամադրեր քարոզարշավին, սկզբունքորեն առողջական խնդիրների պատճառով չի կարողացել ամբողջովին տրամադրել և նպատակահարմար է ևս 15 օր շահել, ինչու ոչ»,- «Մեդիալաբին» ասում է Արմեն Մինասյանը:
Կարդացեք նաև
Մյուս հնարավոր տարբերակն, ըստ նրա, այն կարող է լինել, որ նրա` ՍԴ չդիմելու որոշումը, որը հանրության շրջանում բացասական վերաբերմունքի արժանացավ, կարող է բացասաբար ազդել թեկնածուի վարկանիշի վրա, ինչից փորձում է խուսափել Հայրիկյանը: Ինչ վերաբերում է որևէ ուժի հետ գործարքի գնալու տարբերակին, ապա Արմեն Մինասյանն ասում է, որ քաղաքականությունն ինքնին գործարք է, սակայն դժվար թե այս հարցում բացահայտ գործարքի գնային:
Մանրամասն՝ կարդացեք այստեղ
