Այսօր «Սլաք» մամուլի ակումբում հրավիրած ասուլիսում ՀՀ նախագահի թեկնածու Արման Մելիքյանը կեսլուրջ-կեսկատակ նկատեց, որ իր թիմում այժմ քննարկում են Սահմանադրական դատարան դիմելու եւ ընտրությունները 2 շաբաթով հետաձգելու տարբերակը:
Բանն այն է, որ նախագահի թեկնածուն ստիպված է լինում իր քարոզարշավային ժամանակից տրամադրել նաեւ դատախազության քննիչներին եւ պարզաբանումներ ներկայացնել իր կողմից հրապարակված ընտրախախտումների վերաբերյալ: Մելիքյանը հուսով է, որ քննիչները բարեխիղճ կլինեն ու իրեն երկար չեն զբաղեցնի, ինքն էլ ստիպված չի լինի այդ առիթով դիմել Սահմանադրական դատարան:
Դատախազության քննչական վարչության ուշադրության կենտրոնում հայտնվել է Մելիքյանի անցած շաբաթ հրապարակած այն ձեւաթուղթը, որում ի թիվս այլ տվյալների ճշտումների, նաեւ հարցում կա՝ ընտրելո՞ւ եք նախագահի թեկնածու Սերժ Սարգսյանին:
Մելիքյանը դժգոհ չէ, որ քննիչները իրենք են արձագանքում ընտրախախտումների փաստերին, բայց տարօրինակ է համարում, որ իբրեւ հիմք է ընտրվում հրապարակում, որում իր բարձրաձայնած հարցերը խեղաթյուրված են ներկայացվում: Մասնավորաբար, տվյալ դեպքում՝ հիմք հանդիսացող հրապարակման մեջ նշված է, որ նախագահի թեկնածուն իբր ասել է, թե ԿԸՀ-ի կողմից տրամադրված ձեւաթղթերով են մարդիկ տնետուն ընկել ու հարցում անում, մինչդեռ Արման Մելիքյանը ԿԸՀ-ի դեմ որեւէ բողոք չունի, ավելին՝ նույնիսկ գոհ է այդ կառույցի գործունեությունից:
Կարդացեք նաև
Արման Մելիքյանը նաեւ ասաց, որ չի պատրաստվում դիմել Արամ Հարությունյանի օրինակին եւ ինքնաբացարկ հայտնել:
Այլ մանրամասները՝ տեսանյութում
Նելլի ԳՐԻԳՈՐՅԱՆ
