Հրամանատարը ստորացրել է զինվորի արժանապատվությունը
Տավուշի մարզի առաջին ատյանի դատարանի Իջեւանի նստավայրում շարունակվում է Ագարակ քաղաքի բնակիչ, 1982թ. ծնված Միքայել Մկրտումյանի դատավարությունը:
Վերջինս մեղադրվում է այն բանում, որ լինելով զորամասի հրաձգային գումարտակի հրամանատար,2012թ. մայիսի 20-ին կենցաղային սենյակում իր ստորադրյալ շարքային Հ. Բաղդասարյանի կողմից առանց հարգելի պատճառների արձակուրդից ծառայության վայր ժամանակին չներկայանալու հարցի շուրջ Բաղդասարյանից պարզաբանումներ ստանալու ժամանակ մի քանի անգամ ապտակել է նրան,անկանոն ձեւով կտրել նրա մարզերը՝ անպարկեշտ ձեւով ստորացնելով նրա պատիվն ու արժանապատվությունը:
Միքայել Մկրտումյանը նախկինում դատված է,նրա դատվածությունը մարված է: Նրան մեղադարնք է առաջադրված ՀՀ քրեական օրենսգրքի 360 հոդվածի 2-րդ մասով («Զինծառայողին վիրավորանք հասցնելը»); Այդ հոդվածը նախատեսում է կալանք՝ առավելագույնը 3 ամիս ժամկետով, կամ կարգապահական գումարտակում պահել՝ առավելագույնը 1 տարի ժամկետով կամ ազատազրկում՝ առավելագույնը 1 տարի ժամկետով:
Կարդացեք նաև
Սույն գործով դատավարության հերթական նիստը նշանակված է փետրվարի 14-ին:
Ոսկան ՍԱՐԳՍՅԱՆ
