Ընդդեմ գրասենյակի՝ Թուրքիա տեղափոխման
Հայաստանյան 15 հասարակական կազմակերպություններ հունվարի 18-ին դիմել են ՄԱԿ-ի գլխավոր քարտուղար Պան Գի Մունին, ՄԱԿ-ի Զարգացման ծրագրի ադմինիստրատոր` Էլեն Կլառկին, ՀՀ-ում ՄԱԿ-ի Զարգացման ծրագրի ռեզիդենտ-ներկայացուցիչ` Պատրիս Կոեր–Բիզոյին, նամակում նրանք արտահայտել են իրենց մտահոգությունը ՄԱԿ–ի Զարգացման ծրագրի Եվրոպական տարածաշրջանային գրասենյակի՝ Բրատիսլավայից Թուրքիա, Ստամբուլ նախատեսվող տեղափոխման առիթով:
«Առավոտ»-ը նամակը ստորագրած՝ «Հանուն կայուն մարդկային զարգացման» ասոցիացիայի (UNEPNatCom) նախագահ Կարինե Դանիելյանին հարցրեց, թե կոնկրետ ինչպե՞ս կարող է խոչընդոտել կազմակերպության տարածաշրջանային գրասենյակը հայաստանյան կազմակերպությունների գործունեությանը, եթե այդ տարածաշրջանային գրասենյակը տեղափոխվի Թուրքիա եւ այնտեղ գործի:
«Շատ է խանգարելու, քանի որ մենք մեր գրասենյակի բոլոր քայլերը պետք է համաձայնեցնենք տարածաշրջանային գրասենյակի հետ, ապա՝ կենտրոնական գրասենյակի հետ: Եթե Թուրքիայի նման երկրում լինի տարածաշրջանային գրասենյակը, ապա նրա ազդեցությունը հսկայական կլինի։ Պատահական չէ, որ հիմա է ակտիվացել Թուրքիան։ Ցեղասպանության 100-ամյակի է մոտենում եւ մենք հազար ու մի հարցով ՄԱԿ-ի հետ աշխատելու ենք, եւ փաստորեն պարզվում է, որ մենք Թուրքիայի հետ ենք աշխատելու», նկատեց Կարինե Դանիելյանը։
Կարդացեք նաև
Էմմա ԳԱԲՐԻԵԼՅԱՆ
Մանրամասները կարող եք կարդալ վաղվա տպագիր «Առավոտ»-ում:
