ՀՀ քրեական գործերով վերաքննիչ դատարանում Կարինե Ղազարյանի նախագահությամբ, դատավորներ Հենրիկ Տեր-Ադամյանի եւ Գրիշա Մելիք Սարգսյանի մասնակցությամբ, այսօր ավարտվեց գյումրեցի Ռոբերտ Հակոբյանի գործով բերված բողոքի քննությունը, հրապարակվեց դատավճիռը:
Դատարանը 2-րդ կարգի հաշմանդամի նկատմամբ կիրառեց 1 տարվա փորձաշրջան, պատիժը պայմանական չի կիրառվի:
Ռ.Հակոբյանն անցյալ տարվա նոյեմբերի 12-ին Շիրակի մարզի ընդհանուր իրավասության դատարանի դատավճռով դատապարտվել էր 5 ամիս 27 օր ազատազրկման:
Ռ. Հակոբյանի նկատմամբ ընտրվել էր մինչ այդ խափանման միջոց՝ քաղաքից չհեռանալու մասին:
Կարդացեք նաև
Նշենք, որ Ռ. Հակոբյանը մեղադրվել է իր բնակարանում թմբուկավոր ատրճանակ, 9 հատ փամփուշտ պահելու համար:
Ռ. Հակոբյանը ըստ գործով ձեռք բերված ապացույցների, հայտնել էր, թե զենքը վերցրել է ղարաբաղյան պատերազմի մասնակից իր ընկերոջից՝ Գեւորգ Եղոյանից: Վերջինի հետ խմել են, հետո Գեւորգը հայտնել է, թե գնալու է քրոջ ամուսնուց վրեժ լուծելու: Հակոբյանը նրանից վերցրել է զենքը, պահել իր բնակարանի զուգարանի առաստաղի մեջ, վախենալով, թե իսկապես Գեւորգը խմած է եւ կարող է անզգույշ քայլ կատարել: Հետո Գեւորգը մահացել է, եւ ատրճանակը մնացել էր իր մոտ:
