«Պարույր Հայրիկյանի դեմ մահափորձը քաղաքական էրոտիկա է», հայտարարել է Մարքսիստական կուսակցության ղեկավար Դավիթ Հակոբյանը։
«ՉԻ» – Հայրիկյանի դեմ մահափորձն ինչ ասես անվանել էին՝ ֆարս, բեմադրություն, ներկայացում, բայց էրոտիկա չէին անվանել, այսինքն՝ այս իմաստով նույնպես գլխավոր մարքսիստն օրիգինալ է։ Կարելի է ենթադրել, որ առաջիկայում նա դատի կտա հեռուստաընկերություններին՝ ցերեկային ժամերին այդ «էրոտիկ» թեմային անդրադառնալու համար։ Ի դեպ, նա Հայրիկյանին Դոն Կիխոտ էանվանել, իսկ ընտրությունները չհտաձգելու նրա որոշումը՝ իշխանության հետ անդրկուլիսյան համաձայնություն։ Պատկերացրեցի՞ք Պարույր Հայրիկյանին՝ զենքուզրահով, էրոտիկ տեսարանում, իշխանության հետ անդրկուլիսյան համաձայնություն կայացնելիս։
Դավիթ Հակոբյանն ասել է նաեւ, թե սեփական փորձից գիտի, որ մարդու գլխուղեղը մեկժամյա վիրահատությունից եւ նարկոզից հետո չի կարող ամբողջական աշխատել, առնվազն մեկ ամիս է պետք վերականգնվելու համար։ Այ սա իսկապես արժեքավոր դիտարկում է։ Փաստորեն պրն Հակոբյանին ամիսը մեկ պրոֆիլակտիկ նարկոզ են տալիս։
«Չորրորդ ինքնիշխանություն»
