ՀՀ Կառավարության որոշմամբ, պետական գույքի կառավարման վարչությունը աճուրդով կվաճառի Արագածոտնի մարզպետարանի «ՎԱԶ 2106» մակնիշի ավտոմեքենան: Այս մասին տեղեկանում ենք կառավարության նիստի օրակարգից:
Մարզպետարանի ավտոմեքենան գնահատվել է մեկ միլիոն 145 հազար դրամ: Պետգույքի վարչությունը պարտավոր է աճուրդը կազմակերպել եւ անցկացնել սույն որոշումն ուժի մեջ մտնելուց հետո, եռամսյա ժամկետում: Համաձայն օրենքի, եթե առաջին աճուրդի ժամանակ ավտոմեքենան չվաճառվի, պետգույքի վարչությունը պետք է կազմակերպի նոր աճուրդներ, ընդ որում, յուրաքանչյուր հերթական աճուրդի ժամանակ՝ գույքի վաճառքի մեկնարկային գինը նվազեցնելով վերջին աճուրդի մեկնարկային գնի 20 %-ի չափով:
Լուսինե ԲՈՒԴԱՂՅԱՆ
