Երեկ տեղեկացրել էինք, որ Լոռու մարզի ընդհանուր իրավասության դատարանում դատավոր Սուրեն Բաղդասսարյանի նախագահությամբ ընթացող հարկադիր կատարող Արտակ Շախկուլյանի եւ ԴԱՀԿ ծառայության Լոռու մարզային բաժնի պետ Արմեն Հարությունյանի դեմ հարուցված քրեական գործով դատական վիճաբանությունների փուլում մեղադրող Հարություն Հարությունյանը միջնորդել էր, որ ԴԱՀԿ պետին կալանեն հենց դատական նիստերի դահլիճում, ազատազրկելով նրան 2 տարով:
Ըստ մեղադրողի, հարկադիր կատարողները հանդիսանալով պաշտոնատար անձինք, անձնական շահագրգռվածությունից ելնելով, իրենց պաշտոնատար դիրքն օգտագործել էին հակառակ ծառայության շահերի եւ 2010թ.հոկտեմբերի 15-ին հարուցված կատարողական վարույթի շրջանակներում իրականացրած կատարողական գործողությունների ժամանակ այլ գույքի նկատամամբ բռնագանձում տարածելու փոխարեն, տուժող Վարդան Հովհաննիսյանից հօգուտ «Կոնվերս բանկ» ՓԲԸ-ի, բռնագանձումը տարածել էին տուժողին սեփականության իրավունքով պատկանող անշարժ գույքի վրա:
Վարդան Հովհաննսիսյանին ապօրինաբար բնակարանից զրկելն անզգուշորեն առաջացրել էր ծանր հետեւանքներ:
Դատարանը արդարացման դատավճիռ կայացրեց ԴԱՀԿ պետի համար, իսկ Ա.Շահկուլյանին դատապարտեց 2 տարվա ազատարզրկման, 1 տարով կիրառելով փորձաշրջան: Հիշեցնենք, որ դատախազը վերջինի համար պահանջել էր 4 տարվա ազատազրկում:
Կարդացեք նաև
Ա.Շախկուլյանը կալանված էր եւ դատարանի դահլիճից ազատվեց:
