Հայտնի խոսք կա. քիչ վտանգավոր են չորս դժգոհողները, քան մեկ երջանիկն ու երեք նախանձները։
Երեկ ծանոթացա «Սիվիլիթաս» հիմնադրամի տարեկան զեկույցին։ Աղմկահարույց պատմության կիզակետում հայտնված հիմնադրամը փորձում է ներքաղաքական «վերլուծություն» կատարել։ «Վերլուծություն», որի հետևում ակնհայտ են որոշ ուժերի պատվերն ու ուղղորդումը։
«Սիվիլիթաս» հիմնադրամը կատեգորիկ տոնով նշում է, որ առաջիկա նախագահական ընտրություններն ազատ և արդար չեն լինելու։ Զարմանալի կլիներ, եթե «Սիվիլիթասն» այլ եզրահանգում կատարեր։ Բանն այն է, որ սիվիլիթասների և մեր երկրում օտար շահեր հետապնդող որոշ կառույցների հետաքրքրություններից չի բխում ազատ, արդար ընտրությունների անցկացումը։ Եվ քվեարկությունից շաբաթներ առաջ, բնականաբար, պետք է ընտրությունները կեղծված լինելու նախատրամադրվածություն ստեղծվի։
Ի գիտություն «Սիվիլիթասի»՝ նշենք, որ այսօր անկախ Հայաստանի պատմության մեջ ստեղծված են ազատ ու արդար ընտրություններ անցկացնելու լավագույն նախադրյալները։ 2012 թվականի խորհրդարանական ընտրություններն անցել են աննախադեպ լավ պայմաններում՝ բարձր գնահատականի արժանանալով միջազգային բոլոր կառույցների կողմից։ 2013-ի նախագահական ընտրությունները խորհրդարանականի շարունակությունն են լինելու, և ևս մեկ քայլ առաջընթաց է գրանցվելու արդեն սահմանված նշաձողից։ Հայաստանն այն չէ, ինչ տարիներ առաջ։ Հայաստանն այսօր որակապես նոր հանրապետություն է, որտեղ ժողովրդավարական գործընթացներն այլևս անշրջելի են։
Կարդացեք նաև
«Սիվիլիթասի» զեկույցի մեջ իշխանությունները մեղադրվում են քաղաքական դաշտն ամայացնելու համար։ Դարձյալ ի գիտություն «Սիվիլիթասի» վարլուծաբանների՝ նշենք, որ աշխարհի ցանկացած երկրում իշխանությունները միշտ ձգտել ու ձգտելու են ամրապնդել սեփական դիրքերը։ Նույնը, ի դեպ, ընդդիմությանն է վերաբերում։ Իշխանությունների գործը չէ ընդդիմությանը հզորացնելը։ Այլ բան, որ նույնիսկ իշխանության համար ցանկալի կլիներ նախաձեռնող ընդդիմություն ունենալը, քանի որ հենց ակտիվ ընդդիմությունն է, որ իշխանությանը պահում է լարվածության մեջ, ինչն ինքնին դրական է։
Սակայն եթե ընդդիմությունը չի կարողանում հստակեցնել իր օրակարգը, կներեք, դա իշխանությունների խնդիրը չէ։ Այսօր Հայաստանում ընդդիմությունը, ունենալով ներքին հարցեր, ներկուսակցական պառակտումներ, չի կարողանում ճիշտ կազմակերպել իր գործունեությունը։ Եվ դա, նորից եմ կրկնում, իշխանությունների մեղքը չէ։
Անցած տարիներին մենք ապահովել ենք ամենաբաց, ամենամրցակցային մթնոլորտը քաղաքական ուժերի համար, ընդդիմության համար բաց են եղել բոլոր լրատվամիջոցները, խոսելու, գործելու բոլոր հարթակները։ Պարզապես ձեր անկարողությունը մեզ վրա մի′ բարդեք։
Հայաստանի երիտասարդական հիմնադրամի հոգաբարձուների խորհրդի համակարգող, ՀՀ ԱԺ պատգամավոր Կարեն Ավագյանի ելույթն ԱԺ հայտարարությունների ժամին
Հազարավոր կմ-րից այս երիտասարդի դեմքին նայում ու սառսափում եմ:
Պուչիկները պայթեցնելու ժամանակը
Ալկոհոլի դոզան աչքիս քիչ ա եղել,