Երեկ Արարատի մարզում Վազզեն Սարգսյանի կրտսեր եղբայրը՝ Արմեն Սարգսյանը, հայտարարել է, թե սատարում է Սերժ Սարգսյանին, որովհետեւ նա «գործ է արել, եւ այդ գործը կիսատ է մնացել»։
«ՉԻ» – Սերժ Սարգսյանն, իհարկե, իսկապես «գործ է արել»։ Նրա նախագահության հինգ տարիների րնթացքում Հայաստանից արտագաղթել է 260 հազար մարդ, աղքատությանը հասել է 35 տոկոսի, երկրի արտաքին պարտքը հասել է 4,5 միլիարդի եւ այլն։ Բայց նրա գործը կիսատ է մնացել։ Այ, եթե եւս հինգ տարի շարունակի նույն ոգով՝ Հայաստանից հեռացածների թիվը կհասնի 520 հազարի, աղքատության մակարդակը՝ 70 տոկոսի, արտաքին պարտքը՝ 9 միլիարդի, եւ այդպես շարունակ։ Հիմա, ահա, Արմեն Սարգսյանը հայտարարում է, որ պետք է Սերժ Սարգսյանին անպայման տա՛լ այդ հնարավորությունը: Բա իհարկե, ոչ մի գործ չի կարելի կիսատ թողել։
Ի դեպ, ասվածր միայն գործին չի վերաբերում։ Մարդիկ կան, ովքեր նույնիսկ իրենց պատժաժամկետներն ավարտին չեն հասցնում եւ կեսից ընդհատում են։ Կարծում ենք՝ այստեղ նույնպես պետք է հետեւողական լինել։ Համենայն դեպս՝ Արմեն Սարգսյանը երեւի շատ է ափսոսում, որ իրեն հնարավորություն չեն տվել ավարտին հասցնել գործը:
«Չորրորդ ինքնիշխանություն»
