«Հայրիկյանի դեմ ուղղված մահափորձը չափազանց պրոֆեսիոնալ է կատարված, որի արդյունքում ունենք վարկածների առատություն եւ ոչ մի հարցի պատասխան»,- Aravot.am-ի հետ զրույցում ասաց «Ժառանգություն» կուսակցության քաղաքական քարտուղար Ստյոպա Սաֆարյանը:
Պարոն Սաֆարյանի համար կասկածելի է՝ ինչո՞ւ է մահափորձի վարկածներից ամենաշատը շրջանառվում արտաքին ուժերի կողմից կազմակերպված լինելու վարկածը. «Երբ ասում ենք դրսից է կազմակերպված ու մյուս կողմից, երբ ակնարկում են, որ Հայաստանը թույլ պետություն է, որ բացահայտի օտար դավադրությունները , սա խոսում է չբացահայտվելու մասին: Ինչո՞ւ են շարունակում պնդել, որ սա արտաքին միջամտություն է եւ ոչ ներքին: Եթե խոսում են ռուսական վարկածի մասին, ակնհայտ է, որ այս իշխանությունը ի զորու չէ բացահայտել նման հանցագորոծությունը եւ ռազմավարական դաշնակցին մեղադրել երկրի ներսում նման սադրանք անելու համար: Եթե նման վարկած է ուժեղացվում, ուզում են ասել՝ հույս չունենաք, որ բացահայտվելու է»:
Պարոն Սաֆարյանի խոսքերով, մահափորձը ձեռնտու էր բոլորին, բայց «ո՞ւմ է ձեռնտու» հարցադրումը կարող է կապ չունենալ «ո՞վ է կատարել» հարցադրման հետ. «Այս մահափորձը վախի մթնոլորտ է ձեւավորում հասարակության մեջ, ու դա ձեռնտու է իշխանությանը, որովհետեւ վախի մթնոլորտում ապրող հասարակության հետ հրաշալի գիտեն ինչպես վարվել: Իշխանության վերատադրությունը ավելի բարձր արժեք ունի իշխանության համար, քան որեւէ միջազգային քննադատությունը կամ սեփական ընտրողի հեգնանքը՝ սա է ապահով Հայաստանը»:
Նրա խոսքերով, հնարավոր է, որ իշխանությունները նախընտրական ու հետընտրական ժամանակահատվածում մահափորձի մանրամասներ կամ բացահայտումներ «ջրի երես» հանեն, որ ազդեն ընտրական գործընթացի վրա. «Քանի որ իշխանությունները պետք է առաջիկայում վարկածների մասին խոսեն, լուրեր տան գործի նախաքննության վերաբերյալ, առաջիկա 2 շաբաթը համեմված է լինելու օպերատիվ տեղեկատվությամբ: Սա նշանակում է քաղաքական գործընթացի վրա ազդել, անհրաժեշտ պահին շրջանառության մեջ դնելով ինչ-որ մարդկանց, քաղաքական ուժերի անուններ, սլաք ուղղել այս ու այն կողմ»:
Կարդացեք նաև
Արփինե ՍԻՄՈՆՅԱՆ
Ըստ պ-ն Հայրիկյանի,հրաշք է տեղի ունեցել,որ հանցագործը չի կարողացել իր հանցավոր մտադրությունը իրականացնել մինչև վերջ:Բայց մյուս կողմից էլ,հրաշքների ու կախարդների դարը վաղուց անցել է և այսպիսի ,,հրաշքներ,, լինում են միայն հայկական սերիալներում և ռուսական բոևիկներում:Կարծիքների ու վարկածների պակաս,ի հարկե,չկա,սակայն ամենաուշագրավը,թերևս, մյուս թեկնածու`Ա.Ղուկասյանի ակնարկն էր,որը իմ կարծիքով ,,բարձրաձայնեց,, այն, ինչը շատերն են մտածում:Ամեն դեպքում,լավ է,որ վնասվածքը թեթև է և Հայրիկյանը ապաքինվել է:Մի քիչ էլ համբերություն,մինչև որ գործը բացահայտեն (եթե բացահայտեն):Իսկ ինչ վերաբերում է այդ հանցագործին,ապա նրան կամ կպարգևատրեն`օպերացիան հաջող իրականացնելու համար,կամ էլ կպատժեն, այն ձախողելու համար:
Վերևում` Ա.Ղուկասյանի փոխարեն կարդալ`էպոսագետ Վարդան Սեդրակյան:Սխալի համար ներողություն եմ խնդրում: