Այսօր Արտաշատ քաղաքում քարոզարշավի շրջանակներում տեղի ունեցած հանրահավաքի ընթացքում ՀՀ նախագահի թեկնածու, ՀՀ նախագահ Սերժ Սարգսյանին էր ցանկանում մոտենալ Ռոբերտ Խուդավերդյանը: Վերջինիս որդին զոհվել է խաղաղ պայմաններում, Նոյեմբերյանում: Մինչ Ռոբերտ Խուդավերդյանը փորձում էր հարմար «դարանակալել», որպեսզի կարողանա մոտենալ նախագահին, անվտանգության աշխատակիցները նրան «մեկուսացրեցին»:
Վիճաբանություն, որպես այդպիսին, չեղավ, զոհվածի հայրն ինքը չցանկացավ: Ավելի ուշ Aravot.am-ի հետ զրույցում նա պատմեց, որ ցանկանում էր նախագահին անձամբ իր դարդ ու ցավը հասցնել, քանի որ արդարադատության համակարգում այդպես էլ արդարություն չի գտել, հիասթափված է: Ասաց` հասկանում է, որ նախագահն էս պահին ոչինչ անել չի կարող, բայց մտածում էր՝ գոնե կխոսի, իր սիրտը կթեթեւացնի: «Բոլորից պատիվ եմ պահանջելու, ես իմ դարդի տերն եմ»,- հավելեց նա` այդպես էլ չհաջողելով իր դարդը նախագահին պատմել:
Նելլի ԳՐԻԳՈՐՅԱՆ
