Ամերիկացի լեգենդար բռնցքամարտիկ Մոհամեդ Ալին (Կասիուս Քլեյ) մահացու հիվանդ է եւ կարող է մոտ ժամանակներս վախճանվել:
«Daily Mail» հանդեսի ինտերնետային կայքէջը, վկայակոչելով մարզիկի եղբորը՝ Ռահման Ալիին, տեղեկացնում է, թե 71-ամյա չեմպիոնը, որ 1984 թվականից տառապում է Պարկինսոնի հիվանդությունով, արդեն ի վիճակի չէ խոսել եւ իրեն էլ չի ճանաչում: «Նա կարող է մահանալ մի քանի ամսից, հնարավոր է՝ նաեւ մի քանի օրից: Չգիտեմ, նա կապրի՞ մինչեւ ամառ: Նրա ճակատագիրն Աստծո ձեռքում է», – հրատարակությանը ասել է Ռահման Ալին: Իսկ Մոհամեդ Ալիի կինն ամուսնու մոտ ոչ ոքի, անգամ հարազատներին չի թողնում, բայց իրավիճակն էլ չի մեկնաբանում:
Աշոտ ՀԱԿՈԲՅԱՆ
