Քիչ առաջ Հրանտ Բագրատյանն իր ընտրողների հետ հանդիպմանը Ազատության հրապարակում պահանջեց իշխանություններից, որ երկու շաբաթով հետաձգեն ընտրությունները: Նա վստահեցրեց, որ այդ ահաբեկությունն ուղղված էր ոչ միայն Հայրիկյանի դեմ, այլեւ՝ իրենց դեմ նույնպես:
«Մենք այսօր քարոզարշավ չենք արել՝ զորակցություն հայտնելով Պարույր Հայրիկյանին: Մի խնդիր կա. իշխանությունների հայտարարությունները, թե դա մենք չենք: Մեկն էլ հայտարարեց, թե դա ընդդիմությունն է: Ես խորհուրդ կտամ նման բաներ ասելու փոխարեն պարզապես բռնեն հանցագործության հեղինակին եւ ասեն՝ ով է»:
Այսօր Հրանտ Բագրատյանը Հայրիկյանին ասել է իր կարծիքը, որ պարտադիր է համարում ընտրությունների հետաձգումը առնվազն երկու շաբաթով. «Նկատում եմ, որ իշխանությունները այդպիսի ցանկություն չունեն: Ես չեմ հասկանա, որ այդպիսի ցանկություն չլինի նաեւ մյուսների մոտ: Անպայման պետք է հետաձգել եւ այդ ընթացքում փորձել հասկանալ՝ ո՞վ է դրա հեղինակը: Դա շատ կարեւոր է: Իսկ ի՞նչ, եթե սարքած է ինչ-որ մեկի կողմից:Մենք լավ տեսնում ենք դինամիկան: Ամենայն պատասխանատվությամբ ասում եմ, որ դա հօգուտ իշխանության չէ»:
Կարդացեք նաև
Հռիփսիմե ՋԵԲԵՋՅԱՆ
Ես խորհուրդ կտամ նման բաներ ասելու փոխարեն պարզապես բռնեն հանցագործության հեղինակին եւ ասեն՝ ով է»-ահա ազնիվ եվ հստակ դատողություն Բագրատյանի կողմից