«Սա ոչ միայն ցավալի փաստ է, այլեւ վտանգ է ներկայացնում մեր պետականության համար»,- լրագրողներին ասել է ՍԴ նախագահ Գագիկ Հարությունյանը։
Նա քիչ առաջ դուրս եկավ ՀՀ նախագահի թեկնածու Պարույր Հայրիկյանի հիվանդասենյակից։
Պարոն Հարությունյանը շեշտեց, որ եթե չկարողանանք արագ բացահայտել եւ համարժեք գնահատական տալ այս հանցագործությանը, ապա այն կազդի մեր երկրի զարգացման վեկտորի վրա։ «Այս հանցագործությունը ահաբեկչական ակտ է, ոչ թե պարզ մարդասպանության փորձ»,- ընդգծել է Սահմանադրական դատարանի նախագահը։
Նա վստահ է, սակայն, որ մեր օրենսդրությունը թույլ է տալիս նման իրավիճակում գտնել խելամիտ իրավաբանական լուծումներ։
Կարդացեք նաև
Եթե Պարույր Հայրիկյանը դիմի Սահմանադրական դատարան, ապա 24 ժամվա ընթացքում կառույցը կորոշի՝ ինչ ընթացակարգով քննել այն՝ գրավոր, թե՞ բանավոր։
Քննությունից հետո նոր միայն Գագիկ Հարությունյանը կարող է հայտարարել՝ կան
Նախագահի թեկնածու Պարույր Հայրիկյանի համար անհաղթահարելի խոչընդոտներ, թե՞ ոչ եւ պետք է արդյո՞ք ընտրությունները հետաձգել երկշաբաթյա ժամկետով։
Մանրամասները կարդացեք այստեղ:
