Քիչ առաջ «Գրիգոր Լուսավորիչ» բժշկական կենտրոնի փոխտնօրեն Գագիկ Մանուկյանը լրագրողներին ասաց, որ վիրահատությունը բարեհաջող է ավարտվել, աջ արմունկային ուսի փափուկ հյուսվածքներից հեռացվել է գնդակը. «Վիրահատությունն անցել է լավ, հիվանդի վիճակը բավարար է, գտնվում է քնկոտ վիճակում, մի քանի ժամից լրիվ կարթնանա: Ցավեր չունի, արյան ճնշումը եւ գիտակցությունը նորմալ են: Կմնա վերակենդանացման բաժնում վերահսկողության տակ, 2-3 օրից կտեղափոխվի իր բաժանմունք»: Պարոն Մանուկյանն ասաց, որ ապաքինման համար առնվազն 7-10 օր է հարկավոր: Նա նաեւ հիշեցրեց, որ Հայրիկյանին հիվանդանոց են տեղափոխել երեկ գիշերը՝ հրազենային վնասվածքով: Վիրահատությունը կատարվել է այսօր առավոտյան, ժամը 10.30-ին:
Արփինե ՍԻՄՈՆՅԱՆ
Լուսանկարը՝ News.am-ից
