ՀՀ ազգային անվտանգության խորհրդի քարտուղար Արթուր Բաղդասարյանը «Արմենպրես»-ի խնդրանքով մեկնաբանել է պաշտոնական Բաքվի նյարդային արձագանքը` ՀԱՊԿ գլխավոր քարտուղար Նիկոլայ Բորդյուժայի Հայաստան կատարած այցի ու Երևանում հնչեցրած հայտարարությունների վերաբերյալ:
«Հայաստանի Հանրապետությունը սուվերեն պետություն է, որը ՀԱՊԿ-ի ակտիվ անդամներից է, և թե ում հետ համագործակցության ինչ ձևաչափ կորոշի` մեր երկրի ներքին գործն է: Լավ կլինի, որ Ադրբեջանի բարձրաստիճան պաշտոնյաները չխցկվեն այնտեղ, որտեղ նրանց ամենևին չեն սպասում: Համոզված եմ, որ 21-րդ դարում նման միջնադարյան մտածելակերպը չի կարող հարգի լինել, իսկ քաղաքացիական ինքնաթիռներին հարվածելու յուրաքանչյուր դրսևորում դատապարտելի է ոչ միայն ՀԱՊԿ-ի, այլ, թերևս, ցանկացած միջազգային կառույցի համար: Հայաստանը կարող է լիարժեք ապահովել և պաշտպանել մեր քաղաքացիական օդանավերի անվտանգությունը: Այս հարցի վերաբերյալ մեր դիրքորոշումը հստակ արտահայտել է ՀՀ պաշտպանության նախարար Սեյրան Օհանյանը»,-ասել է Արթուր Բաղդասարյանը:
ՀՀ ազգային անվտանգության խորհուրդ
Կեցցե,՝ արթուր բաղդասարյանը: Ինձ միշտ հիացնում է նրա համարձակությունը,՝
կասեի նույնիսկ քաջությունը՝, Ադրբեջանին, Սաֆարովին, Ադրբեջանցիներին և մեր
այլ թշնամիներին քննադատելու գործում: Բայց ափսոս քիչ է նրա գովեստները՝
,,թարս աճած խիարին,,: Երևի քամանչա նվագել չգիտի, թեչէ չալման կապած
կնստեր Բաղրամվան 26-ում ու բայաթիներ երգեր, իսկ նրա թոռնիկները նրա նկարը
իրենց տան պատերին փաքցրած, նրա ծոռներին կպատմեին թե ինչ բազմաշնորհ
պապ են ունեցալ,՝ հայ ազգի արժանի որդի: