«Մեր ընդդիմախոսներն ունեն տարբեր իրավունքներ, այդ թվում ունեն իրավունք բուռն և անհամարժեք արձագանքելու բանջարաբոստանային մշակաբույսերի անվանարկումներին և դրանցից սարքելու լուրջ քաղաքական քննարկումներ: Կարծում եմ` դա խոսում է մեր ընդդիմախոսների քաղաքական օրակարգի դատարկության մասին, հակառակ պարագայում բանջարաբոստանային մշակաբույսերի հիշատակումը չէր առաջացնի չակերտավոր ասած` նման լուրջ քննարկումների ալիք»,-այսօր կառավարության նիստից հետո նման կարծիք հայտնեց կրթության եւ գիտության նախարար Արմեն Աշոտյանը, պատասխանելով լրագրողների այն հարցին, թե ինչպե՞ս կմեկնաբանի ՀՀ նախագահի` մովսեսցի ծերունուն արած հայտնի դիտարկումը. «Տենց եք մտածում, որ խիյարը թարս ա բուսնում»:
Լրագրողներից մեկի այն հարցին էլ` չե՞ք կարծում, որ երկրի նախագահը ծաղրում է մարդկանց իր քարոզարշավի ժամանակ, պարոն Աշոտյանն ասաց. «Ես ձեր տեսակետին լինեմ, ապա կասեմ, որ դուք ձեր հարցադրմամբ ինձ ծաղրում եք: Ինձ մոտ հենց նոր տպավորություն ստեղծվեց, որ ձեր հարցադրմամբ ծաղրեցիք ինձ»:
Նելլի ԲԱԲԱՅԱՆ
ի՞նչ են լրագրողներն էկել հարցեր տալիս, մեր տոնը հարամ անում
Ծաղրանքից ավելիի արժանի էլ չեք… Իսկ Հայաստանում վերջին 15 տարում ամենամեծ թարս բուսնած խիյարը Բաղրամյան,26 ում ա եղել…
Այս երկրում ոչ ոք հասարակական, քաղաքացիական նվազագույն մշակույթ անգամ չունի: Դրա համար էլ մեր կյանքը, կեցությունը և կարգավիճակը գնահատվում է ամենաբացասական երանգներով, իսկ մարդու արժանապատվությունը դեռևս որևէ կատիգորիա չէ: