Այսօր «Peoplemeter» ակումբում ՀՀ նախագահի թեկնածու, Էպոսագետ ներկայացող Վարդան Սեդրակյանն անդրադառնալով հայոց բանակի խնդիրներին, ասաց, որ իր նախագահ դառնալուց հետո այնպես է անելու, որ ծառայությունը չլինի պարտադիր. «Բանակում ծառայելը պետք է լինի պայմանագրային հիմունքներով, վճարովի: Ես ընդհանրապես դեմ եմ, որ անխտիր բոլորին տասնութ տարին լրանալուց հետո բանակ են տանում: Բայց չէ՞ որ ոչ բոլորն են հոգեբանորեն պատրաստ լինում ծառայության»:
Բացի այս փոփոխությունից, էպոսագետը նաեւ հավելեց, որ, չի բացառվում աղջիների ծառայություն էլ լինի. «Շատ երկրներ կան, որ շատ աղջիկներ ծառայում են բանակում: Ես սկզբունքորեն դեմ չեմ այս գաղափարին, պարզապես մի խնդիր կա, բնականաբար չեն կարող աղջիկներն ու տղաները միաժամանակ մեկ տեղում ծառայել»:
Եվա ՀԱԿՈԲՅԱՆ
