Սերժ Սարգսյանի կենտրոնական ընտրական շտաբը հայտարարել է, թե խստորեն դատապարտում է քաղաքացիների անձնագրային տվյալների հավաքագրման փաստերը եւ միջոցներ է ձեռնարկելու մեղավորներին պատասխանատվության ենթարկելու համար։
«ՉԻ» – Զավեշտն այն է, որ Սերժ Սարգսյանի կենտրոնական շտաբում արդեն «թեժ հեռախոսագիծ» է գործում։ Այսինքն՝ քաղաքացիները պիտի ՀՀԿ շտաբին «ահագանգեն», որ այսինչ հիմնարկի այսինչ պետը աշխատակիցների անձնագրային տվյալները հավաքում է։ Սա, համաձայնվեք, «տեղերում» կատարված աշխատանքը վերահսկելու լավագույն ձեւն է. շտաբում պիտի իմանան, թե ով է ավելի ջանասիրաբար աշխատում շեֆի համար։ Իսկ ընտրություններից հետո կարելի է մի քանի հոգու պարգեւատրել՝ ըստ ահազանգերի քանակի։ Եվ վայ նրան, ում հիմնարկից ոչ մի ահագանգ չեղավ։
«Չորրորդ ինքնիշխանություն»
