Այսօր ի պաշտպանություն «Ժողովուրդ» օրաթերթի բողոքի երթին մասնակցում էր նաեւ ՀԱԿ անդամ Սասուն Միքայելյանը
Aravot.am-ը նրանից հետաքրքրվեց՝ ինչպե՞ս է վերաբերում ՀԱԿ անդամ Հրանտ Բագրատյանի առաջադրվելուն եւ արդյոք ճիշտ է համարում ՀԱԿ-ի քննադատությունը Բագրատյանի որոշման վերաբերյալ: «Եկեք, չքաղաքականացնենք, ես ինչ ճիշտ համարում եմ, կգրեմ»:
ՀԱԿ անդամ Հրանտ Բագրատյանին կսատարի՞, թե՞ ոչ՝ հարցին էլ պարոն Միքայելյանը պատասխանեց. «Իմ իրավունքն է, երբ պետք լինի, կհայտարարեմ՝ կսատարե՞մ, թե՞ ոչ: Այսօր ոչ մի բան չեմ ասի, ժամանակի ընթացքում կտեսնեք»:
Նրանից նաեւ հետաքրքրվեցինք՝ ի՞նչն է ստիպել ՀԱԿ-ին, իր իսկ բնորոշմամբ, համաժողովրդական պայքարի հստակ նախանշված ուղուց շեղվել: «Եկեք, չքաղաքականացնենք»,- կրկնեց պարոն Միքայելյանը:
Կարդացեք նաև
Մեր հարցին՝ կիսո՞ւմ է կուսակիցների տեսակետը, թե ՀԱԿ-ին ճգնաժամից հանելու համար առաջին հերթին պետք է փոխել ՀԱԿ համակարգող Լեւոն Զուրաբյանին. «Իմ վերջին հոդվածում ինչ հասկացել եմ քաղաքականապես , պարզ գրել եմ: Ոչ մի ընդդիմադիր ուժ չեմ ցանկացել պառակտել»:
ՀԱԿ համակարգողին փոխելու վերաբերյալ էլ նա ասաց, որ կարծիք չունի. «Իմ կարծիքն արդեն ասել եմ, ընթացքում ինչ կարծիք ունենամ, կասեմ, ես ամաչելու, քաշվելու ոչ մի բան չունեմ, եկեք չքաղաքականացնենք»:
Ընտրություններին պատրաստվո՞ւմ է մասնակցել, թե՞ ոչ հարցին էլ ասաց՝ միշտ կողմնորոշված է, բայց ժամանակը ցույց կտա:
Արփինե ՍԻՄՈՆՅԱՆ
