Համայնքի նոր ղեկավարի ընտրությունները կլինեն 40 օր հետո. վաղը կառավարությունն այս մասին որոշում կկայացնի
Վաղը կառավարությունը որոշում կկայացնի Արագածոտնի մարզի Վերին Բազմաբերդի գյուղապետ Հունան Առաքելյանին պաշտոնանկ անելու վերաբերյալ: Համայնքի ղեկավարի լիազորությունները վաղաժամկետ դադարեցնելու եւ գյուղապետի նոր ընտրություններ կազմակերպելու առաջարկը եղել տարածքային կառավարման նախարարի առաջին տեղակալ Վաչե Տերտերյանի կողմից:
Նոր գյուղապետի արտահերթ ընտրությունների համար կառավարության պահուստային ֆոնդից Կենտրոնական ընտրական հանձնաժողովին հատկացվելու է 614 հազար 835 դրամ, իսկ ոստիկանությանը` մոտ 131 հազար դրամ:
Գյուղապետի լիազորությունները վաղաժամկետ դադարեցնելը, ինչպես նշված է կառավարության որոշման հիմնավորման մեջ, պայմանվորված է համայնքի ղեկավարի առողջության վատթարացման հետ, եւ գյուղապետն ինքն է հրաժարականի դիմում ներկայացրել, ինչը քննարկվել է ավագանու նիստում եւ ընդունվել:
Կարդացեք նաև
Նշենք, որ վերին Բազմաբերդում նոր ընտրությունները կայանալու են կառավարության որոշումն ընդունելուց 40-օրյա ժամկետի վերջին կիրակի օրը, ուստի համայնքապետի փոփոխությունը կապված չէ նախընտրական շրջանի հետ, այսինքն` նախագահի թեկնածու Սերժ Սարգսյանին ձայներ ապահովելու հետ կապված չէ:
Նելլի ԲԱԲԱՅԱՆ
Չի կարող պատահի, որ կապված չլինի: