Նիկոլ Փաշինյանը շրջանառության մեջ է դրել Քաղաքացիական պայմանագրի նախագիծ: Ըստ փաստաթղթի՝ Քաղաքացիական պայմանագրի նպատակը հետևյալն է. «Սույն պայմանագրի մասնակիցների նպատակը Հայաստանի Հանրապետության քաղաքացիների` հասարակական, քաղաքական, իրավական, կենցաղային նոր հարաբերությունների հաստատումն է՝ հիմնված՝ օրենքի առաջ բոլոր մարդկանց հավասարության, մարդու իրավունքների լիարժեք պաշտպանության եւ կիրառելիության, կանանց եւ տղամարդկանց իրավահավասարության, հայ ժողովրդի ազգային ինքնության, ինքնուրույնության եւ ինքնիշխանության պահպանման եւ զարգացման, Հայաստանի ժողովրդին իշխանության կրողի իրական լծակներով օժտելու հրամայականների վրա»:
Aravot.am-ը ՀԱԿ անդամ Զոյա Թադևոսյանից հետաքրքրվեց՝ կարելի՞ է այս նախաձեռնությունը ինչ-որ նոր գործընթացի սկիզբ համարել: Նա պատասխանեց. «Մինչև նախագահական ընտրությունները չավարտվեն, որևէ նախաձեռնություն իրականություն չի կարող դառնալ: Նախագահական ընտրություններից հետո կերևա: Կարծում եմ, որ այդ առումով Նիկոլն էլ չի շտապում»:
Հարցին՝ դրակա՞ն է համարում այս նախաձեռնությունը, տիկին Թադևոսյանը պատասխանեց. «Որևէ դրական նախաձեռնության բացասական չեմ կարող վերաբերվել: Եթե նախաձեռնությունը նպատակ ունի համախմբել ազգին, իհարկե, պետք է դրական վերաբերվել: Իսկ հետո կերևա: Չեմ կարողանում գուշակել: Ինձ համար արդեն այս քաղաքական դաշտն այնքան խճճված ու, կներեք, ապականված է, որ այսօր այլևս անհնար է որևէ գուշակություն անել: Նախկինում կարճ ժամկետում կարծես թե իրականացվում էր գուշակություն, հիմա ոչ մի գուշակություն չի իրականացվում»:
Մեր մյուս հարցին՝ Ն. Փաշինյանի նախաձեռնությունը կարո՞ղ է դառնալ քաղաքացիական ակտիվ զանգվածների համախմբման միջոց, որի արդյունքում դրական փոփոխության է հնարավոր հասնել, Զ. Թադևոսյանն այսպես պատասխանեց. «Առայժմ Ձեր ասածը տեսանելի չէ, հետո՝ չգիտեմ»:
Կարդացեք նաև
Տաթև ՀԱՐՈՒԹՅՈՒՆՅԱՆ
Քաղաքացիական պայմանագրի իրականացումը կախված է այն բանից, թե՛ որքա՞ն է
մեր ժողովուրդը ձգտոեմ մարդավայել ապրելուն: