«Արմենիան Քարդ» պրոցեսինգային ընկերությունում ծրագրային ապահովման փոփոխությամբ պայմանավորված, ս. թ. հունվարի 29-ից, մինչեւ փետրվարի 14-ը, «ԱրՔա» համակարգի հետ աշխատող բանկերի կողմից նոր քարտեր չեն տրամադրվի, իսկ փետրվարի 8-ի լույս 9-ի գիշերը հնարավոր է համակարգի աշխատանքի ժամանակավոր ընդհատում: Այդ մասին NEWS.am-ին տեղեկացրին Հայաստանի բանկերի միության մամլո ծառայությունից:
Հաղորդագրության մեջ, մասնավորապես, նշված է.
«Գործող քարտերը մինչ այդ եւ դրանից հետո կշարունակեն սպասարկվել առանց խափանումների:
Ծրագրային փոփոխության եւ վերազինման անհարժեշտությունը բխում է բանկերի հաճախորդների կողմից ձեւավորված նոր պահանջարկից, քարտերի ու գործարքների ավելացող ծավալներից, ինչպես նաեւ այս ոլորտում արձանագրվող տեխնիկական եւ տեխնոլոգիական համաշխարհային զարգացումներից:
«Արմենիան Քարդ» պրոցեսինգային կենտրոնը` նոր, միջազգային չափանիշներին համապատասխան ծրագրային ապահովման շնորհիվ, հնարավորություն կտա էապես բարելավել քարտերի սպասարկման որակը եւ կնձեռի նոր ծառայությունների մատուցման հնարավորություններ:
Հայաստանի բանկերի միությունը հայցում է Ձեր ներողամտությունը հնարավոր անհարմարությունների համար»:
