Այսօր Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանի դատավոր Արմեն Խաչատրյանի նախագահությամբ ավարտվեց քաղաքագետ Սուրեն Սուրենյանցի դեմ հարուցված քրեական գործի դատաքննությունը:
Սուրենյանցը մեղադրվում է Գ.Ղասաբյանից 508 000 ՀՀ դրամ խարդախությամբ տիրանալու համար:
Տուժողը նախորդ դատական նիստի ժամանակ հայտնեց, որ պարտքուպահանջ չունի, քանի որ «իր ընկեր» Ս.Սուրենյանցը վերադարձրել է իրենից վերցրած պարտքը:
Ս.Սուրենյանցն ասաց, որ ինքը պատրաստվում է պաշտպանական ճառի եւ էլի պնդելու է, որ իր արարքում հանցակազմ չկա, եւ որ իր գործը քաղաքացիաիրավական հարաբերություններին է վերաբերում:
Կարդացեք նաև
Ի դեպ, դատարանում այսօր հետազոտվել են ապացույցները, դատախազ Լ.Աշրաֆյանը խնդրել է մեկ շաբաթ ժամանակ ճառին պատրաստվելու համար:
Դատական հաջորդ նիստը նշանակվեց փետրվարի 4-ին:
