Հունվարի 21-ին, ժամը 14.15-ին, անհայտ քաղաքացուց ոստիկանության Նաիրիի բաժնում ահազանգ է ստացվել, որ Քասախ գյուղի բնակիչ, 1924 թ. ծնված Ժորա Սարգսյանն իր բնակարանում հանկարծամահ է եղել:
Մեկնած օպերատիվ խումբը նշված բնակարանում հայտնաբերել է Ժ. Սարգսյանի դիակը` դեմքի, կրծքավանդակի և ձեռքերի դաստակների կապտուկներով:
Նշանակվել է դատաբժշկական փորձաքննություն:
Ձեռնարկված օպերատիվ-հետախուզական միջոցառումների շնորհիվ, հունվարի 23-ին, ժամը 10.15-ին, բերման է ենթարկվել 1962 թ. ծնված Առուշան Սարգսյանը: Նա խոստովանել է, որ հունվարի 20-ին, ժամը 21.00-ի սահմաններում, տանը, կոտրված աթոռի փայտով ծեծի է ենթարկել հորը` Ժորա Սարգսյանին, և մարմնի տարբեր մասերում պատճառել վնասվածքներ:
Կարդացեք նաև
Փաստի առթիվ ոստիկանության Նաիրիի քննչական բաժանմունքում ՀՀ քրեական օրենսգրքի 112 հոդվածի 2-րդ մասի 14-րդ կետով հարուցվել է քրեական գործ:
Առուշան Սարգսյանը կալանավորված է:
ՀՀ ոստիկանություն
