ՀՀ նախկին վարչապետը պատասխանում է գյումրեցիների` իրեն հասցեագրված մեղադրանքներին
Գյումրու որոշ բարձրաստիճան պաշտոնյաներ , նույնիսկ քաղաքագետներ ՀՀ նախագահի թեկնածու Հրանտ Բագրատյանին քննադատում են իր վարչապետության օրոք այս քաղաքի գործարանները կազմաքանդելու մեջ, Գյումրուն եկած օգնությունը վաճառելու, Անի թաղամասը կառուցող ռուս շինարարներին դուրս անելու և այլն մեջ: Այսօր լրագրողները Գյումրի ժամանած նախագահի թեկնածուից հետաքրքրվեցին, թե ինչպե՞ս կմեկնաբանի գործարաններ կազմաքանդելու մասին իր հասցեին հնչեցված մեղադրանքները:
«Իմ վարչապետության շրջանում ոչ մի բան չի կազմաքանդվել Գյումրիում, ես վարչապետ եմ եղել 93 -ի փետրվարից, հիմա որ դուք հիշեք, իմ վարչապետության տարի ու կեսում լուծել եմ 24 ժամյա հոսանքի հարցը :Թող ինձանից առաջ լուծեին, հիմա մութ ու ցուրտ տարիները չեն: 1-ին վարկը 94-ի փետրվարին 28 միլիոն դոլար վերցրել եմ Գյումրիում, Գյումրին թափով կառուցվել է: Ուզում եմ հատ-հատ նշել 94-95-ին վերականգնված ձեռնարկությունները 100 տոկոսով, Ստորմմաշինան մեկ, հիմա ի՞նչ վիճակում է, չգիտեմ, Արդուկների գործարանը երկուս: Երբ որ ես եկել եմ, ՀՀ-ում 3 վարչապետ է եղել մինչև ինձ, ես 4-րդն էի, ոչ մի ձեռնարկություն չի կառուցվել, հրաշքը, որ կառուցել ենք, կոչվում էր Մայիսյանի կաթսայատուն, սա 3, հիմա ո՞ւր է չգիտեմ: Ապակիների գործարանը` 4, և վերջապես ոչ ամբողջությամբ Գուլպաների գործարանի մի հատված: Բացարձակ ճմշարտությունն եմ ասում: Եվ վերջապես ինձ անձամբ նվիրել էին 2 միլիոն դոլար` Ֆրանսիայի վարչապետ Ալեն Ժուպեն, դրանով կառուցել եմ Գյումրիի ֆրանսիական դպրոցը, հուսով եմ դեռ կա: Այսքան բանը Գյումրիում արել ենք, սա քի՞չ է, ուզում եմ հավատալ, որ ավելի շատ են անում: Ավելին, այդ վարչապետության օրոք Գյումրում կառուցել եմ շուրջ 150 հազար քառակուսի մետր, ես ցավում եմ, որ Գյուրին վերակագնվեց ոչ այնպես. քաղաքը ձգեցին Մուշ Անի թաղամասերի: Տառացիորեն համոզված եմ , որ և Սպիտակը, և Գյումրին պետք էր հենց տեղում վերականգնել, չձգել ինֆրաստրուկտուրաների մեջ, քաղաքը դարձնել անարդյունավետ, որովհետև մեր հետագա սեյսմիկ հետազոտությունները ցույց տվեցին, որ ճեղքվածք- մեղքվածք, դրանք հակահասկացություն չեն: Պետք էր կառուցել մոնոլիտ,ամուր, ամբողջ հանրապետությունն էր ճեղվածք: Բայց արդեն հիմքերը գցել էին, երբ մենք անկախություն ստացանք, էդ հսկայական հիմքերը գցած էին, մենք ստիպված դա ենք շարունակել : Մենք քաղաքը ձգեցինք անտեղի տեղը: Այնուամենայնիվ ես Գյումրի գալիս եմ բաց ճակատով, եթե որևէ այլ վարչապետ ավել է արել 3 տարում, ես միայն կուրախանամ, ոչ մի կազմաքանդման մասին խոսք լինել չի կարող լինել»:
Հրանտ Բագրատյանը ցավ ապրեց, լսելով, Անդկովկասի հրաշք համարվող Մայիսյանի կաթսայատունը չնչին գնով օտարվել է Սամվել Ալեսքանյանին, ըստ նախկին վարաչպետի, մնում էր միայն «պառոտուռբո գեներատոր» ավելացնել ու 60 մեգավատ հոսանք ստանալ: Նա նաև հիշեցրեց, որ իր վարչապետության ժամանակ 10 օրը մեկ այցելել է Գյումրի:
Կարդացեք նաև
Նունե ԱՐԵՎՇԱՏՅԱՆ
