Ըստ տնտեսագետ Հրանտ Բագրատյանի, խոսում են Գյումրին ազատ տնտեսական գոտի դարձնելու մասին` նույն Գյումրիից խլելով եկամտահարկը
Այսօր Գյումրու ժուռնալիստների «Ասպարեզ» ակումբում հրավիրված մամուլի ասուլիսի ժամանակ լրագրողները ՀՀ նախագահի թեկնածու, տնտեսագետ Հրանտ Բագրատյանից հետաքրքրվեցին, թե հնարավո՞ր է արդյոք Գյումրին վերածել ազատ տնտեսական գոտու, ինչը տարիների շարունակ խոստանում է կառավարությունը: Չկա՞ որևէ վտանգ, որ գործարարը իր բիզնեսը կձևակերպի Գյումրիում, սակայն կզարգացնի մայրաքաղաքում:
«Դա բացարձակ բլեֆ է, 30 հազար քառակուսի կիլոմետրի վրա ազատ տնտեսական գոտի լինել չի կարող: Մեր ծրագրում ազատ տնտեսական գոտի չկա, մեր ծրագրում ազատ տնտեսական գոտի է ամբողջ Հայաստանը, 5 ազատ տնտեսական գոտու մասնակցել եմ Ուկրանիայում, 2-ը՝ Բելառուսում, ոչինչ չեն տալիս : Ավելի լավ է մենք սահմանենք բոլորի համար հարկային ռեժիմ: Երբ որ նայում ենք ազատ տնտեսական գոտու մեր մեխանիզմները, մենք չեն կարողանում հասկանալ Գյումրու և Երևանի մեջ տարբերությունը այդուհանդերձ ի՞նչն է: Հիմա մենք խոսում ենք ազատ տնտեսական գոտուց, չենք թողնում եկամտահարկը մնա Գյումրիի բյուջեում: Դուք ուզո՞ ւմ եք ես էլ ձեզ խաբեմ Սերժ կամ Տիգրան Սարգսյանների նման, հարց չի՞ ծագում ձեր մեջ , այ ընկեր, ինչո՞ ւ ես շահութահարակը տանում էստեղից, հետո էլ խոսում ես ազատ տնտեսական գոտու մասին, որը դեռ ոչինչ չի տա և չի տալու: Եվ հետո, ազատ տնտեսական գոտի կարող է լինել Ռուսաստանում, Չինաստանում, նույնիսկ Ուկրանիայի նման մեծ պետությունում այն չաշխատեց: Ինչո՞ւ Չինաստանում, կասկադային տնտեսական քաղաքականություն է. լիբերալ քաղաքականություն` ծովափում, մի քիչ ավելի խիստ պետական քաղաքականություն ներսում, որտեղ խաներն են ապրում կամ այսպես կոչված չինացիները, և բոլորովին այլ քաղաքականություն Տիբեթում: Սա մեծ երկիր է` 10 միլիոն քառակուսի կիլոմետր, կամ ազատ տնտեսական գոտի սահմանում են, որպեսզի Շանհայում` նավահանգստում, առևտուրը զարգանա: Մենք ընդունում ենք ազատ տնտեսական գոտու միայն այնպիսի տարատեսակ, որը վերաբերում է ինչ-որ մաքսակետի կամ Երևանի օդանավակայանում, որպեսզի շահագրգռված լինեն բոլորը վայրէջք կատարեն, վառելիք լցնեն ու թռչեն: Բայց փոքր պետության մեջ, որտեղ տարբերությունը 100 կիլոմետր է, 50 կլիոմետր է, մի ժամում գնում –գալիս ես, ազատ տնտեսական գոտի չի աշխատում», -մասնագիտորեն վերլուծեց տնտեսագետը:
Նունե ԱՐԵՎՇԱՏՅԱՆ
Կարդացեք նաև
