Սոցիոլոգ Ահարոն Ադիբեկյանը պատասխանելով Aravot.am-ի հարցին՝ Սերժ Սարգսյանի նախընտրական հանդիպումներից մեկի ժամանակ, Ավանում դուք առաջին շարքերում էինք, հետեւաբար կասկածի տակ է դրվում ձեր իրականացրած հարցումների անաչառությունը, ինչպես կմեկնաբանեք սա, նախ ասաց, որ ինքը երբեք չի սխալվել իր հարցումներում, կանխատեսել է առաջին նախագահի երրորդ ընտրություններում պարտվելը, այն դեպքում, երբ բոլորն ասում էին նա հաղթելու է. «Իմ տվյալները կապված չեն, այն բանի հետ, թե պատվիրատուն ինչ է ցանկանում, սա հայելի է, իրողություն, ես իմ վարկանիշն ունեմ, իմ հեղինակությունը, որը չի վաճառվում: Եթե ես սկսեմ վաճառել իմ հեղինակությունն ու թվերը, ուրեմն՝ այս դաշտում այլեւս անելիք չունեմ: Ինչ վերաբերվում է Սերժ Սարգսյանի հանդիպմանը, ապա ասեմ, որ ես Ավանում նստած էի, որովհետեւ Ավանի բնակիչ եմ, այնտեղ եմ ընտրելու, եւ հրավեր էի ստացել որպես բնակիչ մասնակցել նախագահի հետ հանդիպմանը, ինչն էլ մերժել չէի կարող»:
Մեր հաջորդ հարցին, իսկ ո՞վքեր են ձեր պատվիրատուները, Ադիբեկյանը ասաց. «ՀՀԿ-ն եւ երեք տարածքային շտաբեր: Նրանց մոտ առանձին ենք հարցում անում, որովհետեւ մենք տարածքներ ունենք, որտեղ նախագահի կողմնակիցները միջինից բավականին ցածր են ու պետք է հասկանանք, թե ինչու է այդպես: Հատուկ հարցում պետք է արվի: ՀՀԿ-ի տարբերությունը գիտե՞ք որն է, նա սեւ կատու չէ, որը մնա մութ սենյակում, նա փորձում է լուսավորել այդ սենյակը, որ տեսնի, թե ինչ կա չկա այնտեղ, ու իր լուսավորման միակ ձեւը՝ հարցում անցկացնելն է»:
Եվա ՀԱԿՈԲՅԱՆ
Լավ կլինի Ահարոն Ադիբեկյանը մի հարցում ել անցկացնի այն մասին, թե բնակչության քանի տոկոսն է հավատում իրեն կողմից բերված վիճակագրական տվյալներին. Վստահ եմ՝ իրենից բացի ոչ ոք.
Ախր Սուտիբեկյանը ոնց կարա սխալվի, եթե նախօրոք իրեն ասում են, թե ինչ թիվ պիտի նկարվի… Հերոս ա, է…. կարում ա երկնիշ թիվը հիշի ու կրկնի…. Այ, թե “թարս աճած խիյարը” որն ա: