Սոցիոլոգ Ահարոն Ադիբեկյանը Aravot.am-ի հետ զրույցում անդրադառնալով նախագահի թեկնածու Արամ Հարությունյանին, որը հակադարձելով սոցիոլոգին, ասել էր, որ եթե 45 տարի հետո դիահերձում անեն, կպարզվի, որ Ադիբեկյանը սնվել է նախագահականից, նշեց. «Նա ամնեզիա ունի, նա ընդհանրապես չի հիշում, որ 1998 թվականին ունեցել ենք նախագահի 18 թեկնածու, նա կարծում է միայն այս ընտրություններում են այսքան շատ թեկնածուներ եւ չգիտի, որ իմ առաջին պատվիրատուն եղել է Կոմկուսը որին նույնպես ասել էի, որ պարտվում են գերագույն խորհրդում, հետո՝ եղել է ՀՅԴ-ն: Հիմա, երբ վերցնեք իմ կենսագրականը, ապա կտեսնեք, որ ես երբեք չեմ սխալվել իմ կանխատեսումներով: Եթե նա վաճառվող է, կարծում է բոլորն էլ իր պես կվաճառվեն»:
Եվա ՀԱԿՈԲՅԱՆ
