Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում, դատավոր Արմեն Խաչատրյանի նախագահությամբ, այսօր սկսվեց «Ագրոհոլդինգ» ՍՊ ընկերության տնօրեն, ճանաչված լրագրող Տիգրան Հակոբյանի դեմ հարուցված քրեական գործով անդրանիկ դատական նիստը:
Նա մեղադրվում է իր լիազորություններն անցնելու, առանձնապես խոշոր չափի գումար Արմեն եւ Գոռ Խեչոյաններից վերցնելու միջոցով նրանց ծանր նյութական վնաս հասցնելու համար:
Մեղադրանքը պաշտպանում էր ՀՀ գլխավոր դատախազության կոռուպցիոն եւ կազմակերպված հանցագործությունների գործերով վարչության պետի տեղակալ Բագրատ Պետրոսյանը:
Տիգրան Հակոբյանը միջնորդեց, որպեսզի կիրառվի արագացված դատաքննության ընթացակարգ:
Կարդացեք նաև
Դատական հաջորդ նիստը նշանակվեց փետրվարի 20-ին:
Հիշեցնենք, որ արագացված դատաքննությամբ չեն ուսումնասիրվում եւ չեն հետազոտվում քրեական գործի նյութերը, ապացույցները, ցուցմունք չեն տալիս վկաները, ամբաստանյալը, դատարանը բավարարվում է ամբաստանյալի՝ իրեն մեղավոր ճանաչելով եւ անցնում է խորհրդակցական սենյակ դատական ակտ կայացնելու:
