Այսօր «Տեսակետ» ակումբում սոցիոլոգ Ահարոն Ադիբեկյանը ներկայացրեց մի նոր սոցհարցման արդյունքներ, որի թեման հետեւյալն է՝ «Եթե նախագահ ընտրվեի ես. Ընտրողների պատգամը նորընտիր նախագահին»:
Ադիբեկյանի ներկայացմամբ՝ հարցման է ենթարկվել 1650 չափահաս բնակիչ, որոնց գտնելու համար առաջարկ է արվել 2320 հոգու, նրանցից մոտ 670-ը (29%) հրաժարվել են՝ քաղաքականությամբ չհետաքրքրվելու պատճառով: Նախագահի թեկնածուների նախապատվության վրա ներազդող գործոններից մեկը՝ ընտրողների սոցիալ-տնտեսկան վիճակն է: Հարցման մասնակիցները այսպես են գնահատել իրենց ընտանիքների նյութական վիճակը. աղքատ՝ 19,2%, համեստ՝ 79,6%, եւ ունեւոր՝ 1,2%:
Ըստ Ադիբեկյանի՝ «ՄԱԿ-ի ստանդարտների համաձայն, ՀՀ բնակչության մոտ 45%-ը գտնվում է աղքատության շեմից /1 շնչին $2 օրը/ ներքեւ, բայց իրեն աղքատ է համարում միայն 19%-ը, ինչը իջեցնում է սոցիալական լարումը եւ կրճատում բողոքավոր ընտրազանգվածը, բայց դրանց խնդիրը մնում է չլուծված»:
Իսկ հարցվածների սպասելիքները մոտակա տարիներից, ըստ սոցհարցման արդյունքների, հետեյալն է.
Կարդացեք նաև
|
Երկրի |
համայնքի |
ընտանիքի |
|||||
| Հիմնականում հուսադրող, խոստումնալից |
22,5 |
52% |
21,8 |
50% |
30,7 |
62,5% |
|
| Ոչ լավ, ոչ վատ, խառը |
29,2 |
28,7 |
31,7 |
||||
| Ավելի դժվար եւ քիչ |
21,0 |
48% |
20,7 |
47% |
17,8 |
35,2% |
|
| հիմնականում անհույս եւ անհաջող |
26,5 |
25,8 |
17,4 |
||||
Պարզվում է՝ ընտանիքները իրենց մասին ավելի լավատեսորեն են տրամադրված, իսկ 35%-ի (հիմնականում աղքատության շեմից ներքեւ գտնվողների) կեսը, այսինքն՝ ամեն 6-րդ ընտանիքը, հուսալքված է:
Ադիբեկյանի փոխանցմամբ՝ սպասելիքների ուղղվածությունները որոշվել են նրանով, թե ինչ կձեռնարկեն (մինչեւ 3-ը) հարցվողները առաջին հերթին, եթե ՀՀ նախագահ ընտրվեն իրենք, նշել են.
|
ընդ |
% | ||
| 1 | աշխատատեղերի բացում / գործազրկության դեմ պայքար |
676 |
45 |
| 2 | աշխատավարձի /թոշակների /նպաստների/բարձրացում |
373 |
25 |
| 3 | Կենսամակարդակի, սոցիալական վիճակի բարելավում/ գների և կոմունալ վարձերի իջեցում / |
270 |
18 |
| 4 | արտագաղթի կանխում |
122 |
8 |
| 5 | որակի բարձրացում/անվճար,մատչելի/ առողջապահություն |
105 |
7 |
| 6 | կրթական համակարգի, դպրոցի, մանկապարտեզի/ որակի/անվճար/մատչելի |
90 |
6 |
| 7 | անապահով և մարգինալ խավին օգնություն |
79 |
5 |
| 8 | Հարկերի, մաքսերի իջեցում, մենաշնորհի, ստվերային տնտեսության դեմ պայքար /ազատ մրցակցություն / բյուջեի ճիշտ օգտագործում |
76 |
5 |
| 9 | խաղաղություն/Ղարաբաղի հարց |
70 |
5 |
| 10 | կոռուպցիայի դեմ պայքար |
65 |
4 |
| 11 | երիտասարդներին, անապահովներին բնակարանային հարց |
63 |
4 |
| Այլ /տես կից աղյուսակը/ |
179 |
12 |
|
|
2170 |
100 |
Ադիբեկյանը հավելեց, որ վերջին տարիների համեմատ նվազել է սոցիալ-տնտեսական եւ զբաղվածության հետ կապված խնդիրներն առաջնահերթ համարողների թվաքանակը, գուցե արտագաղթի հետեւանքով:
Եվա ՀԱԿՈԲՅԱՆ
