Նախագահի թեկնածու Պարույր Հայրիկյանը հայտարարել է, թե ընտրվելու դեպքում հայ աղջիկներին հնարավորություն կտա կամավորության հիմունքներով մինչեւ 10 ամիս ծառայել ՀՀ զինված ուժերում։
«ՉԻ» – Պարույր Հայրիկյանը փաստորեն ոչ միայն իմաստուն քաղաքական գործիչ է, այլեւ քարոզչական տեխնոլոգիաների հմուտ մասնագետ։ Խնդիրն
այն չէ, որ բանակում ծառայելու ցանկությունից այրվոդ հայ աղջիկներն այս հայտարարությունից հետո իրենց ձայնը կտան Հայրիկյանին. այդպիսի աղջիկների թիվը հազիվ թե մեծ լինի։ Խնդիրն այն է, որ բանակում ծառայող մի քանի տասնյակ հազար տղանե՛րն իրենց ձայնը կտան Հայրիկյանին։ Այսինքն՝ Հայրիկյանն իսկապես քարոզչական փայլուն հնարք է կիրառել։ Այլ հարց է, որ կարելի էր հարցին ավելի արմատական լուծում տալ։ Օրինակ՝ կարելի էր խոստանալ աղջիկների զինծառայությունը դարձնել պարտադիր, իսկ տղաներինը՝ կամավոր։ Այդ դեպքում հաստատ երիտասարդության շրջանում ծառայությունից խուսափողներ չէին լինի։
Կարդացեք նաև
Ի դեպ, եթե արտագաղթի ներկա տեմպերը պահպանվեն, իշխանություններն այսպես թե այնպես ստիպված են լինելու աղջիկներին նույնպես զորակոչել բանակ։ Ու Հայրիկյանը նորից պնդելու է, թե Հայաստանում ինչ արվում է՝ իր ծրագրով է արվում։
«Չորրորդ ինքնիշխանություն»
