Թվաքանակով ամենամեծ բանակն ունեն Չինաստանը` 2,285,000 , Ամերիկայի Միացյալ Նահանգները` 1,456,850, Հնդկանստանը` 1,325,000, Հյուսիսային Կորեան` 1,262,000, Ռուսաստանը` 1.037.000 մարդ:
Բոլիվիան թեև չունի ծովային տարածքներ, սակայն այդ երկրի բանակում կան նաև ռազմածովային ուժեր: Բանն այն է, որ երբ 1879թ.-ի պատերազմից հետո Բոլիվիան ստիպված էր Չիլիին զիջել իր ջրային սահմանները, այդպես էլ երկրի հասարակական գիտակցությունը չկարողացավ հաշտվել այդ իրողության հետ և նրանք պահպանեցին պետության ռազմածովային ուժերը:
Առաջին համաշխարհային պատերազմի տարիներին իր կատարած սխրանքների համար անգլիացիները գնդապետի կոչում տվեցին № 888 աղավնուն:
Ամենափոքր բանակն աշխարհում (այնտեղ ծառայում են ընդամենը 11 հոգի) ունի Սան Մարինոն, իսկ Իսլանդիան, Մոնակոն, Կոստա Ռիկան, Լիխտենշտեյնը ընդհանրապես չունեն բանակ:
Ներկայումս Ադրբեջանի տարածքում գտնվող հայկական Չարդախլու գյուղը ծնել է 2 մարշալ, 12 գեներալ և 7 ԽՍՀՄ հերոսներ:
