«ՀՀ Կրթության նախարարը, լինելով բաց ու հասանելի քաղաքական գործիչ, պետք է ապահովի ուսանողների և նախագահի թեկնածուների հանդիպումը»,- կարծում է «Ժառանգության» կուսակցության ներկայացուցիչ Անահիտ Բախշյանը։
Կրթության ազգային ինստիտուտի փեխտնօրեն Անահիտ Բախշյանը նամակ է հղել Արմեն Աշոտյանին՝ նշելով՝ «ոչ «Կրթության մասին», ոչ էլ «Հանրակրթության մասին» ՀՀ օրենքները չեն արգելում քաղաքական այնպիսի վճռորոշ իրադարձության ժամանակ, որպիսին ՀՀ նախագահական ընտրություններն են, թեկնածուների հանդիպումը ուսանողության հետ»:
«Վերոնշյալ օրենքներն արգելում են քաղաքականացնել դասապրոցեսը, արգելում են ուսանողներին քարոզել բուհի կառավարման խորհրդի նախագահի, ռեկտորի կամ որևէ դասախոսի կուսակցությունն ու առավել ևս պարտադրել դառնալ այդ կուսակցությունների անդամ:
Դուք, քաղաքական առումով լինելով ակտիվ ուսանող, բուհի ուսխորհրդի նախագահ, որպես երիտասարդ նախարար Ձեր կենսագրությամբ նաև օրինակ երիտասարդների համար, ինչպե՞ս էիք մասնակցում երկրի քաղաքական այնպիսի կարևոր իրադարձությանը, որպիսին նախագահական ընտրություններն են:
Դուք իրավունք ունե՞ք զրկել ուսանողներին շփվել նախագահի թեկնածուների հետ:
Կարդացեք նաև
Մանրամասն՝ կարդացեք այստեղ
