Թեկնածուների ակտիությունը կարելի է բաժանել երեք խմբի: Առաջին խմբում Սերժ Սարգսյանն է`ամենաակտիվը: Երկրորդ խմբում՝ Րաֆֆի Հովհաննիսյան, Հրանտ Բագրատյան, Պարույր Հայրիկյան: Երրորդ խմբում`մնացած թեկնածուներն են: Այսօր «Հենարան» մամուլի ակումբում նման վերլուծություն արեց ՕԵԿ փոխնախագահ Մհեր Շահգելդյանը՝ ամփոփելով քարոզարշավի անցած շրջանը:
Ընդհանուր առմամբ, Շահգելդյանը դրական է գնահատում քարոզարշավի մեկնարկը եւ ընթացքը: Պատասխանելով լրագրողներից մեկի հարցին`հատկապես ո՞րն է ՕԵԿ-ի ներդրումն այս քարոզարշավում, ՀՀԿ թեկնածուի քաոզարշավի համար ՕԵԿ-ը ֆինանսական ներդրումներ արե՞լ է, Շահգելդյանն ասաց, որ Սերժ Սարգսյանին ֆինանսապես չեն աջակցել: Իսկ կուսակցության նախագահն ու անդամներն անընդհատ շրջաններում հանդիպումներ են ունենում: Հիշեցնենք, որ ՕԵԿ-ը սատարում է ՀՀԿ թեկնածու, գործող նախագահ Սերժ Սարգսյանին:
Բանախոսը չցանկացավ անդրադառնալ ԲՀԿ-ի, ՀՅԴ-ի եւ ՀԱԿ-ի՝ ընտրություններին չմասնակցությանը: Ասաց, որ դա տվյալ կուսակցությունների որոշելիք խնդիրն է: Նրա կարծիքով, այդ կուսակցությունների ընտրազանգվածը կբաժանվի թեկնածուների միջեւ: Նրանց մի մասն էլ կսատարի Սերժ Սարգսյանին:
Նելլի ԳՐԻԳՈՐՅԱՆ
Կարդացեք նաև
