Իրանում տեղի ունեցած երկրաշարժը զգացվել է նաեւ Սյունիքի մարզում
Այսօր ժամը 19:10-ի սահմաններում Կապանում երկրաշարժի հետցնցում գրացնվեց, որը համեմատաբար ուժեղ էր եւ երկար տեւեց: Ինչպես «Առավոտին» տեղեկացրեց «Սեյսմիկ պաշտպանության հարավային ծառայություն» ՊՈԱԿ-ի պետ Սյտոպա Բաղդասարյանը` Իրանում կրկին երկրաշարժ է գրանցվել, որի էպիկենտրոնը Ահար քաղաքում էր եւ երկրաշարժի ուժգնությունն այնտեղ կազմել է 6-7 բալ (4.7 մագնիտուդ):
Իրանում տեղի ունեցած երկրաշարժը զգացվել է նաեւ Սյունիքի մարզի ողջ տարածքում: «Երկրաշարժի հետցնցման ուժգնությունը Կապանում կազմել է 3-4 բալ: Նույնքան բալ է կազմել նաեւ Ագարակում, Մեղրիում եւ Քաջարանում, Գորիսում այն մի փոքր թույլ էր` 3 բալ»,- տեղեկացրեց պարոն Բաղդասարյանը: Ինչպես պարզեցինք` երկրաշարժի հետցնցում զգացել են նաեւ սիսիանցիները, սակայն այնտեղ մարզի մյուս տարածաշրջանների համեմատ` համեմատաբար թույլ է եղել:
Կապանում, ի տարբերություն նախորդ երկրաշարժերի հետցնցումների, այս անգամ բնակիչները համեմատաբար հարմարվել էին, խուճապի չեն մատնվել եւ հետցնցումից հետո անմիջապես շենքերի բակեր չեն իջել: Շատ քիչ թվով մարդիկ են միայն բնակարանները լքել: Ոմանք էլ նույնիսկ տեղյակ չեն եղել երկրաշարժից ու ոչինչ չեն զգացել:
Կարդացեք նաև
Մերի ՍՈՂՈՄՈՆՅԱՆ
